"Ram dito tayo sa balkonahe tikman natin itong lambanog. Alam kong sanay ka sa mga imported na alak e, kaya para maiba naman ito ang subukan mo!" masayang ani Mang Tasing, asawa ni Yaya Mila.
Halata sa boses ng lalaki na maligayang-maligaya ito na makasama si Ram. Hinila pa nang lalaki ang isang maliit na lamesa at doon inilagay ang tatlong bote nang naglalakihan na lambanog.
Sumilay naman ang matamis na ngiti sa labi ni Ram. Matagal na panahon na rin ang lumipas at aminado rin siya na namiss niya ang ganitong bonding nila ni Yaya Mila at Mang Tasing.
Malayo sa pressure ng trabaho kung saan lahat ng kilos niya ay limitado ang lugar kung saan nakatira si Yaya Mila at ang lalaking kaniyang kaharap. Tahimik ang buhay kahit na salat ito sa karangyaan na kaniyang naka mulatan simula pagkabat
