"Good morning po!" magiliw na bati ni Tim. Naabutan ng binata na nagwawalis si Aling Rebecca nang bakuran habang nagkakape naman si Mang Carding sa maliit na balkonahe.
"Aba Ikaw pala Tim!" ani Aling Rebecca na malapad ang ngiti. Kaagad na iniwan ng ginang ang ginagawa at lumapit sa kinaroroonan ng binata.
Noon pa man ay sadyang kinagigiliwan na ng ginang si Tim.
Kung maari nga lang niyang turuan ang puso ng anak nanaisin talaga niya na ito na lang ang makasama nito sa buhay.
"Naku bata ka bagay na bagay talaga sa iyo ang uniporme mo...Lalo ka gumwapo anak!" biro pa ng ginang.
Nahihiyang napangiti naman si Tim.
"Si....si Allyna po?"
"Ah naku Tim eh sinundo ng van eh ..yung service nang hotel." ani Mang Carding.
Bahagyang dumilim ang mukha ni Tim kasunod ng pagtitiim bagang ng bin
