خجل الشيطان.

بارت 8

خجل :مش فاهمة برضو.

مدحت :مش مهم.. فى الوقت المناسب هو هيفهمك.... بس انا عاوز اطلب منك طلب ممكن.

خجل: اكيد طبعا اتفضل.

مدحت :عاوزك تجيلي هنا كل يوم ولو خمس دقايق بس وقوليلى يا بابا.

خجل :حاضر من عنيا.

وطُرق الباب بقوة وفُتِحَ فى ثوانى.

التفتت خجل فى رعب وكذلك تحول نظر مدحت الى الباب فى خوف.

رقية بفزع :أخرجى بسرعة ياخجل من هنا حضرة الشيطان طالع ورايا.

انتفضت من جلستها :اية انتى بتقولى اية... يالهوى هعمل اية دلوقتى.

اخرجت رقية رأسها خارج الغرفة فوجدت الشيطان قادم.

رقية بخوف :دة جاى دة جاى.

مدحت :تعالى استخبى تحت السرير.

قامت جريا واختبأت اسفل الفراش.

دخل الشيطان ببرودة وجمودة المعتاد.

الشيطان :رقية انتى بتعملى اية هنا؟؟

رقية بأرتباك :انا كنت بطلع مية لمدحت بية.

الشيطان بشك :بس دة مش معاد دوا.

رقية بخوف :ايوة حضرتك بس يعنى هو مكنش عندى مية.

الشيطان :وهى فين المية.

أشارت للمياة الموجودة بجانب رأس مدحت :المية اهي حضرتك.

نظر الشيطان للغرفة بنظرة سريعة وبدأ يشتم بأنفة رائحة مألوفة علية.

الشيطان :ماشي اتفضلى روحى على المطبخ.

ذهبت رقية وقلبها يرقص فرحاً للهرب من براثة... بينما المسكينة الاخرى ترتعش رعباً منه.

الشيطان :مدحت مش عاوز احس انك بتدخل فى حاجات خاصة بيا تمام.

مدحت :وانا عملت اية دلوقتى يا شيطان... انت اللى دخلت اوضتي زى المخبر وقعدت تسئل رقية اسئلة ملهاش لازمة وانا سكت و متكلمتش.

الشيطان :انا عاوزك تعرف ان كل علاقتك برقية هو المية والاكل وبس.. و علاقتك بالبيت دة هو دنيا وبس.

مدحت :اطلع برة يا شيطان ومتجلييش هنا تانى لغاية ما اموت.

فى ثوانى معدودة خرج عن هدوءة وأطاح بكوب المياة.

الشيطان بغضب :انت مش هتموت غير لما تشوفنى بنتقم من كل اللى حرقوا قلبى واولهم ماجد الكوخى انا جبت بنته هنا وهزلها وهخليها زى الكلبة لغاية ما ابوها يعرف انه لعب مع الشيطان الحقيقي.

مدحت بقسوة :طول عمرك غبى ومتسرع.. هتنتقم من بنته لية وهى كانت عملتلك اية هى اللى قتلت مراتك ولا هى اللى موتت اختك؟!

كادت شهقه تخرج من فمها ولكن كتمتها سريعا حتى لا ينكشف أمرها.

الشيطان :زى ما هو موت مراتى انا هموت بنته ونبقي خالصين.

مدحت بأسف :اطلع برة يا شيطان اطلع.

كما دخل بعاصفة قبلة خرج بعاصفة بعدة.

مدحت :اطلع يا سمسم.

خرجت هى ويظهر عليها البكاء الشديد.

خجل :مكن... مكنتش اعرف.. معرفش لية بابا عمله كدة صدقنى معرفش.

مدحت : عارف انك ماتعرفيش... متخافيش منه هو عمرة ما هيعملك حاجة.

خجل بأرتعاش :بس انا خايفة اوى لحسن يعمل حاجة فيا او فى أختى.

مدحت :ولا عمره هيمس اختك... وانتى كل اللى عليكى انك تثبتيلة انك غير ابوكى خالص.... اهتمى بدنيا هو مش بيحب حد فى الدنيا دى قدها.

_____________________________________

مرت الايام ومازالت المعامله بينهم كما هى... الشيطان يعامل خجل ومدحت وروح بخجل كبير.

دنيا تتعلق بخجل أكثر لطيبة قلبها ودائما تقف معها ضد أبيها.

** يوم الحفلة بحضانة دنيا**

بعد الفجر بسويعات الصغيرة دنيا تربت على وجنة خجل.

دنيا :خجل أصحي، أصحي يا خجل، فوقى بقي.

خجل بأنزعاج :اية يا دنيا بتصحينى لية... عاوزة أنام مش احنا نايمين أمبارح متأخر%.

دنيا :اصحي معاد الفطار بعد شوية صغننه وبعدها نلبس ونروح الحفلة.

انتفضت من نومتها :أية معاد الحفلة.. قصدى الفطار أبوكى هينفوخنى هينفوخنى هينفوخنى.

ضحكت دنيا بأستمتاع : لا لا مش تخافي كدة... اصحي وانا هقولة بابى ملكش دعوة بخجل.

خجل :وبتقلبى قطة قدامة ها..

دنيا :لا يا خجل انتى اللى بتقلبى قطة قدامة وبتكونى خايفة اوى.

خجل : بس يا دنيا عشان مزعلكيش.

دنيا :طب انا هنزل اقعد مع بابى لغاية ما انتى تنزلى وابقى هاتى معاكى آنطى روح.

خجل : نفسي أعرف لية بتقوليلي انا خجل وهى آنطى.

حركت كتفها ببساطة :عشان هى اكبر منى.

تركتها وخرجت وخجل تنظر لها ببلاهه.

خجل :سبحان الله اقلب القدرة على فمها تطلع البت شبه ابوها.

قامت خجل ودخلت الى المرحاض ونزلت دنيا وجلست على قدم الشيطان.

دنيا :بابى انت بتحبنى صح؟

الشيطان :طبعاً بحبك.

دنيا :طب لية مش بتخرج معايا زى ما اصحابى بتخرج مع بابا بتاعهم.

الشيطان : عشان عندى شغل.

نظرت له بحزن وقامت من على قدمة وجلست على الكرسي المجاور له.

الشيطان :انتى زعلانة لية بس؟

دنيا بصوت عالى وغضب طفولى : عشان انت مش بتحبنى مش كفايا مش عندى مامى زى أصحابى كمان مش عندى بابى يحبنى.

صدح صوت من خلفها ينهرها :دنيا.

دنيا :نعم يا خجل.

خجل :مش قولنا نعامل بابى حلو.

دنيا ببكاء :أنا عاوزة مامى.

احتضنتها خجل وهمست فى آذنها : اعتذري لبابى وبوسيه من خده وأوعدك انهردا انا هفسحك كتير اوى.

همست لها ببكاء :هو مش هيرضي.

خجل بهمس :مش تقوليلوا.

خرجت من أحضانها ومسحت خجل دموعها وذهبت دنيا تجاه الشيطان.

دنيا :أنا آسفه يا بابى.

الشيطان بجمود مصتنع :بعد قلة الادب دى كلها بتعتذري.

نظرت له و أوشكت على البكاء مرة أخرى فجذبها الى أحضانه.

الشيطان :مش أنتى عارفة انى بحبك.

دنيا :عارفة يا بابى.

الشيطان :طب يلا ممكن بقي تقعدى تشربى اللبن بتاعك وتفطرى.

دنيا بأرتباك :أية؟؟ .. أشرب لبن.. اصل احنا اه لا دى خجل قصدى آنطى روح كانوا... احنا اصل.

خجل بسرعة وخوف :أصلنا متعودين نشرب كلنا سوا.

الشيطان : طب اتفضلوا اقعدوا عقبال ما اشوف فين الهانم التانية.

خجل :روح نازلة على طول اهى.

وما ان تمت الجملة حتى وجدوا روح آتت وجلست على كرسيها.

الشيطان : ياريت تظبطى مواعيدك.

روح :حاضر.

الشيطان :ياريت تكتبيلى أرقام المدرسين اللى انتى بتاخدي معاه.

صُدِمت روح وكذلك خجل.

روح :عاوز الارقام لية؟

الشيطان :عشان انا اللى هتابع حضرتك ولو حسيت انك **لتى ولا قصرتى فى المذاكرة هعقلك من رجلك فى المروحة.

انفجرت دنيا بالضحك وكتمت خجل ضحكتها بصعوبة.

نظر لهم وتركهم وصعد.

روح بغيظ: بتضحكوا على اية يا عالم يا باردة انتوا.

دنيا بضحك :اسكتى دة انتى شكلك بقي قطونيل خالص.

روح : يارب اهم قاعدين يارب انتقملى منهم يارب.

تركتهم وخرجت.

وجدت أمامها رامز... فى زى عمله، شكله المرهق للقلوب، جاذبيتة الشديدة أثناء عمله.

رامز بأبتسامة :صباح الخير.

روح بهيمان :صباح النور.

رامز :معقولة لسة زعلانة من اول مرة لما هزرنا سوا.

روح :أصلك كنت سخيف ورمتنى فى البسين.

ضحك بأستمتاع عليها :انا مش هتكلم واللهى.

روح : اتفضل هاتلى وردة حلوة.

قطف آحدى الورود : اتفضلي أحلى وردة لأحلى روح.

روح :انت عرفت آسمى منين.

رامز :سمعت اختك بتناديلك بيه قبل كدة.

روح :وانت عرفت منين أنها أختى.

رامز بأرتباك :عرفت... عرفت وخلاص عادى يعنى.

روح : انا مش مطمنالك.

قالت كلمتها وتركتة ودخلت الڤيلا مرة آخرى.

___________________________________

عند خجل ودنيا ما أن اطمئنوا من خروج الشيطان حتى أرتدوا ملابسهم وخرجوا للذهاب الى حفلة الحضانة الخاصة بدنيا.

ولم يلاحظوا من ذهب خلفهم لحمايتهم ومن ذهب خلفهم لأذيتهم.

#

#

#

#

#

مش عارفة اقولكم اية واللهى على التاخير دة وشي منكم فى الارض.... بس ان شاء الله انا هنزل بارت كمان عشر دقايق.

يسر كل سنه وانتى طيبة يا روحى وعقبال مليون سنه. ❤❤

عاوزة الكومنتات الحلوة بتاعتكم بقي ومتزعلوش منى.

بحبكك❤❤

Donia..