Chapter 51
Raine
KINABUKASAN, dahan–dahan akong nagmulat ng mga mata, nararamdaman ang bigat at sakit sa bawat sulok ng katawan ko—lalo na sa pagitan ng aking mga hita. Para bang bawat galaw ko ay nagpapaalala ng bawat sandaling pinagsaluhan namin kagabi.
Napangiti ako. Hindi ko na mabilang kung ilang beses kaming nagpalitan ng init at damdamin; ang mga ginagawa namin ay parang panaginip na mahirap paniwalaan. Kahit ilang beses kong sinasabi sa utak ko na, hindi pwede pero iba ang sinasabi ng aking katawan.
Nang tuluyan kong maimulat ang mga mata ko, naninibago pa sa liwanag ng umaga na pumapasok mula sa bintana. Marahan kong iniunat ang aking kamay sa kama, kinapa ko si Damon, umaasang nandiyan pa siya sa tabi ko. Nilinga ko ang bahagi ng hinigaan niya. Ngunit bakante na iyon bagaman
