Nang malalim na ang gabi ay humahangos na umuwi si Mylene. Kinatok nito nang kinatok ang ina sa kuwarto nito at hinila palabas. "Ano ba? Gabing-gabi na a, paano kung magising ang tito Edward mo?" Iritadang tanong ni Marina.
"Sorry mommy, importante lang....." Hindi na nagpatumpik-tumpik pa si Mylene at kaagad na sinabi ang pakay na tila urgent ito. "Ma, pahiram mo muna ako ng 63,000 ibabalik ko na lang."
"A-ANO? 63,000?" Sa gulat ay hindi nakontrol ni Marina ang pagtaas ng boses.
Agad namang tinakpan ni Mylene ang bibig ng ina. "Shhh.... Ano ka ba ma, baka magising si tito Edward. Hinaan mo lang ang boses mo."
"Magsabi ka nang totoo, aanhin mo ang 63,000? Saan mo balak dalhin ang gano'ng kalaking pera? Huwag kang magsisinungaling sa kin!"
"K-kasi mommy...." Napagkiskis ni Mylene ang m
