"Ang laki naman nitong kwarto mo," narinig kong sabi ni Alice sa akin, habang iginagala nito ang paningin sa buong paligid dito sa loob ng kwarto ko. Bahagya na lamang akong napangiti at hindi na ako nakasagot pa sa sinabi niya, nakaupo ako ngayon dito sa kama ko habang tinitignan siyang nililibot ang kabuuan ng kwarto ko. Bahagya na lang akong nagbaba ng tingin no'ng maalala ko ulit 'yung mga nangyari kanina.
Masyadong natagalan sa pagpapalit ng gulong si Mang Jeffrey, kaya naman sobra na rin akong kinapos sa oras para magpunta pa sa bahay nila Alice. Mabuti na lang at naintindihan niya ang sitwasyon ko kaya pumayag itong ipagpabukas na lang ang pagpunta ro'n sa bahay nila, inalok ko na lang din siyang sumama sa akin pansamantala para hindi ako mawala sa paningin niya. Lalo na't hindi n
