ISAGANI
BAKIT kaya parang hindi ko makuhang magalit kay Vanna? Oo, medyo sumama ang loob ko at nagtampo na rin pero mabilis din naman mawala agad ‘yun, lalo na kapag distracted ako. Distraction ko yung may marinig lang ako na hindi maganda ang kondisyon ni Vanna. Hindi ko mapigilan ang sarili ko na kumpirmahan kung totoo ba o hindi, para kasing responsibilidad ko si Vanna. Parang bahagi ko siya o kabahagi siya ng buhay ko. Kaya ganun ako ka distracted kapag si Vanna na ang usapan. Pero ngayon sa mga oras na ito ay pakiramdam na tila ba kontrolado ko muna si Vanna. Tahimik lang siyang sumusunod sa akin palabas ng mansyon habang hawak ko kamay niya, pero nararamdaman ko na para bang nakapako na lang ang tingin niya sa pagkakahawak ko ng kamay niya, kaya naman nilingon ko siya at tama nga ak
