DOVE
“ITO iyong office mo. Mamaya nandito ang personal secretary mo para i-discuss ang mga paper works na kailangan pag-aralan,” seryosong sabi ni Ross.
Umikot naman ang tingin ko sa kabuuan ng opisina. Malaki at parang bagong gawa lang ito.
“Okay. Nasaan naman ang office mo?”
“Sa Fourth floor. P-Puwede ka naman pumunta kapag may kailangan ka.”
Tinaasan ko naman ito ng kilay. “So, bawal pala ako pumunta sa office ng asawa ko kapag walang kailangan? May babae ka yata dito eh.”
“W-What! Wala. Sige na. May meeting pa ako. Kung hindi mo talaga kaya, sabihin mo lang sa akin.”
“Kaya ko ito. Di ba sabi mo, ito na ang trabaho ko dati pa. Sige na umalis ka na.”
Tumango naman ito at tumalikod na ito.
“Ross.”
Agad naman ito lumingon.
“Wala man lang bang kiss? Parang hindi mo ako asawa.”
