Sari-saring bangungot na maaaring mangyari ang nag-uunahang pumasok sa isip ko nang tuluyan nang mawala si Sab sa aking paningin. Mabilis na tumakbo si Soren patungo sa pintuan, sinundan ang dinaanan nito, at marahang isinara—pagkatapos ay ini-lock na para bang nais niyang ikulong ang sandaling ito.
Sinulyapan ko siya nang pahilis nang maramdaman kong nakatitig siya sa akin—malambot, may halong pag-aalala at lambing ang kanyang mga mata. Tumayo ako mula sa aking kinauupuan at dahan-dahang lumapit sa mini refrigerator. Kailangan ko ng malamig na tubig para pakalmahin ang nagngangalit kong nerbiyos, para kahit paano ay humupa ang panginginig sa loob ko.
Ngunit nagbago ang isip ko.
Nang makita ko ang bote ng brandy na nakapuwesto sa loob ng estante, tila iyon ang mismong tumawag sa akin. H
