Lampas thirty minutes pa ang natapos bago ipinasok ni Rush ang sasakyan sa isang gated property. Guwardiya lang ang napansin niyang nasa gate. Bumusina si Rush. Lumapit ang guwardiya, ang lapad ng ngiti pagkakita sa lalaki.
"Boss!" sabi kay Rush.
"Kumusta? Ngayon ka lang, ah?" si Rush sa guwardiya.
"Nagbakasyon sa probinsiya, Sir," sabi ng guwardiya. Ngiting-ngiting sinalo ang plastic na inihagis na lang basta ni Rush. Kung tama siya, burger at mineral water ang laman ang plastic. "Salamat, boss!"
"Pakabait ka!" bumusina si Rush at ipinasok na ang kotse. Pagka-park nila, saka lang na-realize ni Ariah kung nasaan sila—orphanage yata. Heaven's Space ang nakalagay sa harap ng malaking building.
Hindi pa man nakakababa si Ariah, may tatlong babae nang naka-suot ng pare-parehong puting T-s
