Ereneya's POV
HALOS dalawang oras na akong nakatanaw dito sa bintana at inaabangan ang pagdating ni Res pero nangangalay na ang mga binti ko sa kakatayo ay hindi ko pa nakita ang kahit na anino nito.
Unti-unti nang pumapatak ang maliliit na butil ng ulan at madilim ang ulap sa hilagang dako ng kalangitan. Mukhang lalakas pa ang ulan at nag-alala akong mabasa ang hambog na lalaking iyon at magkasakit pagkatapos ay ako ang sisihin.
Nang umalis ito kanina sa sapa ay umuwi na rin ako kahit na nagngingitngit ang kalooban ko. Nangalahati na ako ng nilakad ko nang makasalubong ko si Jus na tinawagan nga ni Res para sunduin ako. Walang hiya talaga ang lalaking iyon para abalahin pa si Jus kahit na alam nitong may mga bisita ito.
Nang humingi naman ako ng paumanhin kay Jus ay tinawanan laman
