جنة فؤادي الجزء الثالث

1270 Words

جنة فؤادي الجزء الثالث #zainab_alnajar الكاتبة زينب النجار عندما يسقط القوي تكثر سكاكينه .. يحاول الجميع اخذ قطعة من لحمه وينهشه .. والأمّر من هذا ان هذا القوي لا يصرخ ولايستغيث فلم يتعود على الضعف يوماً.. يتحمل الألم ... ولا يطلب الرحمة الأ بتراتيل صامته يرسلها من قلبه لرب السماء فقط _ صباح الخير يمه اكو ريوگ لو اروح للدوام _ لا هاي سويتلك _ عود الجهال نايمين بالغرفة انتبهي عليهم شوف العروس امهم شوكت تجي _ ليش ماتروح تجيبها قبل ماتروح للدوام _ ما اجيبها مثل مادزت الجهال ويه اخوها هو يجيبها _ شبيك وياها انت تالي وياك هسه واذا راحت للعرس شصار ،،تحجي وياه والدته وتلفونه صار يدگ .. هاي اتصلت دنشوف اوامرها الخاتون ،، _ الوو _ هلو حارث _ هلو بيج _ أگولك بيش الساعه تجيني _ ما أجي اني مو دزيتي الجهال ويه اخوج خلي يجيبج هو عندي شغل _ ياا وفلوس ماما شلون اخذت منها مو گلتلك _ شگد تريدين _ 150 الف _ شنوووو من صدگ تحجين .. لازم انتي العروس وما أدري وملابس اخذتي ب 200 .. منو گلج عندي البنك المركزي _ شدعواك اوي هاي مو اختي شو رجلها هو وداها وجابها وصرف كومة عليها وانت ماكلفت نفسك تجي اصلاً _ لج هم الج عين تحجين .. هو انتي سألتي عليه وتدرين مريض .. حتى جهالج ماكلفتي نفسج تسألين عليهم بالتلفون _ هسه شصار شو بس تريد تتعارك جيت تعبانه ونمت .. المهم اتركلي فلوس يم عمتي من يوصلني عباس اخوية انطيهيا يوديهن لأمي لأن هي محتاجتهن ،، اخذ حسره جبيرة وماجاوبها وسد التلفون ،، رجعت امه استلمته نفس الموشح مالتها .، لان بنت اخوها وهي اختارتها ماتريد احد يحجي عليها ولو على حساب ابنها ودائمًا تتباها بجمالها .. طلع فلوس خلاهن على الميز وطلع .، وحسرات هواية ماليه ص*ره .، لشوكت راح يتحمل من تزوجها هي هيج وتعب من كثر المشاكل وليش تسوي كل هذا دينا يتمنى يعرف الاسباب .. وصل للشركة دخل غرفته .. زبيدة واگفه بالشباك وجهها للشارع وبالها شارد .. سلم وماردت .. راح يمها يالله انتبهت عليه مسحت دموعها بسرعة وابتسمت حتى تضيع سبب دموعها _ هلو حارث .. شوكت اجيت ما ادري _ اجيت وسلمت بس مارديتي .. شبيج زبيدة صار كم يوم مو طبيعية _ مابيه شي والله .. بابا مريض شوية وبالي مشغول عليه .. شلونك انت اليوم _ اني زين احسن ،، سكت ومامصدگ كلامها ،، اجه المدير وراح كل واحد على شغله .. _ استاذ حارث اذا ما تصير زحمه اخذ هذه الاوراق انت للمدير _ اي عادي ادللي ست زبيدة .. .. اخذ الاوراق بعد شوية اجه .. زبيدة المدير يريدج سأل عنج وگال خلي تجي هي .. اكو شي؟ احجيلي دموع ملت عيونها بس ماسمحتلها تطلع _ اهاا ماشي هسه اروح وأشوف شنو يريد .. ماكو شي يجوز عنده سؤال او استفسار .. تركت حارث والف سؤال براسه ودخلت غرفة المدير _ صباح الخير استاذ _ هله بهلمصباح _ استاذ طلبتني خير اكو شي خطأ بالشغل _ الخطأ من ما اجيتي انتي ليش اجه حارث ..تعالي اگعدي ،، .. فكرتي بالموضوع لگلتلج بي _ استاذ مايحتاج تفكير وگلتلك جوابي _ لا هذا ما اعتبره جواب .. فكري جديات .، والله ادللج وبيت وحدج وسيارة حديثة _ ومقابيل هذا .. زوجة بالسر ? .. مو اني استاذ جيت لعنوان خطأ .. ولو تطلقت هذا مو معناه اصلح خطأ بخطأ .. وبصراحة مامفكرة بزواج اصلاً.. لا ونوب بالسر مستحيل _ مو اني لأنرفض زبيدة .. احذري مني _ شنو هو تهديد هذا .. الرزق على الله هو الغني _ صدگيني احبج ومن زمان من كنتي متزوجة كنت اگول حرامات بهذا زوجها .. وزوجتي ما مرتاح وياها معذبتني من حقي ارتاح وانتي واعية وفاهمه ومثقفة كلش تعجبيني _ هذا الكلام عيب .. تخلي عينك على وحده متزوجة !! .، كلكم تگولون نفس العذر وانا ما مرتاح ويه زوجتي وتنطون لنفسكم مبرر للخيانة وللزواج الثاني لا تنسى انا عشت هذا الاحساس مو اني لأهجم بيوت .. من رخصتك استاذ اروح اكمل شغلي .. طلعت مخنوگة والعبرة محبوسة بص*رها مارجعت للغرفة راحت للحمام غسلت بماء بارد وتمسح دموعها تريدها بس تتوقف تريد تهدأ وماتگدر .، ليش هيج سويت بيه طارق .. الله لا ينطيك ولا يوفقك حست نفسها شويه احسن راحت للغرفة والف سؤال بوجهه حارث يريد تفسير بس بقى ساكت استمر طول وقت الدوام ساكتين بس زبيدة مو طبيعية وكل شوية تنزل دموعها وتمسحها .. منزله راسها حست احد قريب منها _ زبيدة احجي شبيج .. ما اصبر بعد ،، نزلت دموعها وهي تباوع بعيونه ،، حارث انجن اول مرة يشوفها بهذا الشكل ،، .. احجي لخاطر الله _ راح احجي ماعندي غيرك احجيله ... المدير يريد يتزوجني بالسر _ شنووو هذا تخبل .. على ابواب تقاعد هو ابنه بگدج _ مو مهم العمر .،المهم اني مطلقة وراح اقبل بي بأي ضرف يكون .. بالسر .. بالعلن .. زوجة ثانية او رابعة مو مهم .. ليش هيج صارت الناس تشوفني رخيصة ونضرات عيونهم تغيرت .. شنو الذنب السويته اني حارث _ شجاوبتي ،، يحجي بعصبية وجهه احمر صار ،، _ اكيد رفضت وصار اكثر من مرة ارفض .. لا نوب يتصل تالي الليل يريد يعيد مراهقته .. وماجاوبته ولا مرة لأن لو شئ يخص الشغل ليش بهذا الوقت _ وهسه ليش تبجين اذا رفضتي .. زبيدة گوليلي والله ما اتحمل شي يقهرج _ يگولي مو اني لأنرفض .. يعني هذا تهديد .. مو صحيح؟ _ شحده ويهددج والله هسه ادخل امسح الگع بي _ حارث الله يخليك ما أريد مشاكل .. حجيتلك لان اعتبرك واحد من أهلي بس اذا حجيت شي الله اعلم شراح يألف ويحجي علية لأن مثل ماتعرف مطلقة ? واكيد الدنيا كلها صح واني كل الاخطاء بيه المهم رفضت .. واذا عنده كرامة مايحاجيني بعد بهذا الموضوع _ توعديني اذا ضوجج مرة ثانية تحجيلي وانا اتصرف بطريقتي لاتخافين لا هوسات ولا فضايح _ احجيلك ماشي وعد .. خلص هذا اليوم ورجعوا لروتين حياتهم .. حارث شاف دينا راجعه صار يتعامل وياها ببرود لأن المشاعر الي بداخله يحس ماتت بداخله .. تغده وارتاح شويه وطلع ويه اصدقائه يلعب طوبه جان الجو حلو وبعدها راحوا لكافي يريد يشغل نفسه بعيد عن البيت وزبيدة اخذت ابوها للدكتور .. صار كم يوم يشكي من رجله ومن انتبهت عليه مورمه كلش تخبلت.. كالت لاخوانها .. حسان گلها عندي شغل .، وحسام اصلاً اخذ زوجته لأهلها وبقى وياها لأن اليوم خميس .. تدفعه بالكرسي المتحرك وتتذكر اخوتها اخذته دكتور مفاصل گالها علاجة مو عندي والدج عنده مشكلة بقلبه نطاها عنوان دكتور ثاني واخذته وراحت _ دكتور شنو بي ابوية _ ابوج عنده تضخم بالقلب .. بصراحة هواية وهذا سبب وروم رجله .. واشك عنده انسداد بال**ام .. هم يشكي من ص*ره ؟ _ اي يشكي بس مو دائما.. وهذه شلون دكتور .. راح انطي علاج للتضخم يصير زين وتجيبي علمود ال**ام .. مشافى ان شاءالله ،، سوده الدنيا بعيونها وهي تسمع .. ماتگدر تتخيل حياتها بدونه وين تروح منو الها ،، _ بابا حبيبي شنو رأيك نتعشه بالمطعم اني وياك .. _ وين نروح يابنتي واني شأكل كله ممنوع.. _ اطلبلك شي يوالمك .. يالله نغير جو اني وياك اخذك على الكورنيش نگعد على دجله _ بكيفج بابا بكيفج تريده يغير جو تعرف بي محصور بين اربع حياطين .. ابوها مو مقعد فد مره بس يگدر يقضي حاجته مايگدر يتحرك اكثر وصلت ونزلت الكرسي خلته قريب السيارة .. اجتي تنزله .. ماحست الا شخص سلم وبحركة سريعة شاله لوالدها خلاه بالكرسي _ شلونك عمي _ اهلا ابني _ بابا هذا حارث ابو داليا زميلي بالشغل هسه اندارت انتبهت عليه بملابس رياضة وقطرات عرق على وجهه وشعره نازل على جبينه _ اليوم هنا شعجب ابو داليا _ نلعب طوبه انا وجماعتي .. وانتي شعجب وحدج ويه الوالد _ اخذته للدكتور وگلت يغير جو شويه و نتعشا _ اها زين ماتعزموني ? _ ادلل تعال هههههه _ لا انا اعزمكم بس اغير ملابسي واغسل واجي حتى تحجيلي شگال الدكتور هم اكلوا وضحكوا وابوها خطية من صدك غير جو على الهوى العذب لحد ماحسته تعب _ ها بابا نرجع _ والله الگعده حلوه بس بعد ما اگدر أكثر اريد ارتاح شوية _ كل مره اجيبك هنا والله _ واذا تحتاجين مساعدة خابريني واجي _ تسلم خوية ابو داليا ماتقصر اخذ والدها هو وصعده بالسيارة .. سلم عليهم وراح لسيارته ويحس براحة بداخله .. بس راح يروح للبيت وتنقلب هاي الراحة الى هموم .. دائمًا زبيدة تركز على كلمة #أخوية .، ودائمًا هاي الكلمة تأذي حارث مايعرف السبب وتـمـر عـلـيـك أيـام تـقـدس فـيـهـا الـصـمـت عـّن كـُل شَـيء ، وتـنـعـدم رغـبـتـك بـالـكـلام والـعـتـاب ، وتـرضـى بـكـل شَـيء حـتـى ولـّو كـّان سـيـئـآ أحيانا نكون في أمس الحاجة للحديث ؛ لكننا نتذكر أن الصّمت كان أكثر إخلاصا لـ أحاسيسنا الغير مرتبة .. فـ ن**ت ..

Free reading for new users

Scan code to download app

App Store Google Play

Facebookexpand_more