جنة فؤادي
الجزء 13
الكاتبة زينب النجار
Zainab_alnajar
ويا كحلها المو مثل باقي البنات ..
هي أصــــلاً مـــن الله مكحّلــّة ..
خاف من أگلها أحبچ تستحي العين ..
وتدرون المستحه بالحب مشكلة !!
اليوم البعده من اجتي ام حارث تلفوني بقى مقفول
طلعت من غرفتي العصر سمعت صوت زلم يم بابا بالاستقبال .. تقربت سمعت صوت حارث وحسان وحسام .. وحارث جان يفهمهم سوء تفاهم والوالدة ماتقصد ومن هذا الكلام
_ عمي اني يشهد الله رايدها الزبيدة ومستعد لكل شروطكم واكون اسعد انسان اذا وافقتوا
_ ابني انا اسأل بنتي واردلك جواب .. بصراحة هي البارحة كانت رافضة
سمعت صوت حسام _ احم .. لا بابا ان شاءالله موافقة هذا دلع بنات .. عيني نتصل بيك ان شاءالله خير
ترخص حارث وراح .. عمتي وخالتي واگفات يمي بس ساكتات مثل سكوتي
يعني مشاعر بداخلي مخربطة .. مدا افهم منها غير الخوف .. اي مشاعر اعجاب او حب ممكن تخليني اقاتل
