Chapter 34
Suzanne Medina
"Sigurado ka na bang babalik ka na agad sa apartment mo?" Sabi ko kay Aileen na sinasara ang bag niya.
Kagabi lang namin napag-usapan na gusto na na niyang bumalik sa apartment niya. Hindi ko inakala na ngayon na agad.
No'ng una lagi niyang sinasabi na kung pwede nga lang dito na lang din daw siya tumira para raw may kasama ako. May pa sabi-sabi pa siya no'n na kakausapin niya si Prime. Ngunit, kagabi bigla niyang in-open na babalik na nga siya sa apartment niya.
"Ano ka ba, ayos lang. Mag-iisang linggo na rin ako rito. Nakakaabala na ako sa may-ari ng mansyon na 'to," Nangunot ang noo ko sa sinabi ni Aileen.
Hindi ganito ang sinabi niya noon. Gustong-gusto pa nga niyang dito na lang tumira.
Ano kaya nakapagbago ng isip niya?
Hindi naman siguro sila nag-aw
