Chapter 18
Suzanne Medina
"Alex, ikaw na bahala kay Manang Liza. Kapag may mangyaring masama kay Manang malalagot ka sa 'kin," Pagbabanta ni Clay kay Alex.
Kaarawan ngayon ni Manang Liza at napag-usapan naming lahat na i-suprise siya sa pagbalik niya.
Para mangyari 'yon kailangang mapaalis namin si Manang Liza sa mansyon na hindi niya mahahalata ang gagawin namin.
Tinawagan ni Clay ang pinsan ni Manang Liza na si Manang Linda. Sinabi ni Clay ang plano naming surpresahin si Manang Liza sa kaarawan nito. Nangako naman si Manang Linda na siya na ang bahala para mapaalis si Manang Liza.
Kaya kagabi nakatanggap ng tawag si Manang Liza mula kay Manang Linda at sinabi ng huli na gusto nitong maka-bonding si Manang Liza.
Mukha namang nakalimutan ni Manang ang birthday niya.
Para masigura
