انت نصيبي وقسمتى

الحلقة 3

" بسم الله الرحمن الرحيم "

" انت نصيبى وقسمتى "

" البارت الثالث "

(فى بيت اميرة )

_ ماما ياماما

ايوة ياست اميرة فى اية

اميرة : فين ياماما البلوزة النبيتى بتعتى اللى كانت ف الدولاب انهاردة الصبح

الام : وانا اية عرفنى ياختى كنت با البسها معاكى ما تدورى عليها كويس

اميرة بغيظ : ياماما ونا لو مدورتش عليها كويس هاجى اسالك من الباب للطاق كدة

الام بنفاذ صبر : بقولك اية يابت انتى انا مش فاضيالك روحى شوفيها ف انهى داهية بعيد عنى وحلى عن سمايا دلوقتى عشان مخنقيش

اميرة وهى تضع يديها فى خصرها : لية بقا ان شاء الله ياست ماما مش فضيالى لية وراكى اية غيرنا ها انطقى

الام : وراى طبيخ وغسيل وكنيس ودعيك مهو انا لو مخلفة بنات عدلة زى بقيت خلق الله كانو ريحونى وساعدونى، انما اقول اية عندى بنتين كوتع بعيد عنك مبيعرفوش يعملو حاجة غير ياكلو ويمسكو تلفوناتهم يخشو بيها ع الزفت والقطران اللى اسمو فيس، ياكش يولع الفيس دة عشان استريح

_اميره ف سرها ابوووبا فتحت القناة السابعة ومش هتقفل دلوقتى اما اخلع انا احسن

اميرة وهى تبعت لها بوسة ف الهوا طاب ياحجة اسيبك تندبى بختك ع الاطلال واروح انا اكمل لبسى عشان الحق الدرس وسبتها ودخلت اوضتها

الام بغيظ: شوفو يا ناس البت وبرودها ربنا يكون ف عونك يا الى ف بالى

(دى طبعا ام مصرية اصيلة ملناش دعوة بتقول اية خلينا ف روايتنا ?)

_بعدها بشوية لقيت بنتها منى داخلة عليها من برة وبتقولها ماما عملتى الاكل ولا لسة دنا هموت من الجووووووع

_الام طلعت ع صوت بنتها وقالتلها ليلة اهلك مش فايتة وهو انتى اللى لابسة بلوزة المزغودة اميرة

منى بمرح : ايووون يامامتى انا بس خليها فسرك بقا احسن دى لو عرفت هتشلفطنى

واذ فجأتنا تطلع اميرة من اوضتها وتمسك منى من قفاها بقا انتى بقا اللى بتقلبينى ف هدومى وبتخديها من وراى

_منى وهى زى الفار المبلول اممممم اصلى يعنى هدومى اللى بخرج بيها وسخة وملقتش قدامى غير دى البسها سورى ياميرو

اميرة بغيظ : واصرفها منين سورى دى ان شاء الله انا فضلت ادور عليها ساعة وف الاخر تطلعى انتى الى وخدها وربنا لموتك

وفضلت تجرى وراى منى ف الشقة كلها

الام بصررراخ : بااااااااااس بطلو بقا نقااار وجعتولى دماغى منكم لله

انتى يازفتة يلى اسمك منى روحى يلا غيرى هدومك وتعالى حضرى معايا السفرة

وانتى يامزغودة يااميرة روحى ياختى البسى اى حاجة وروحى درسك بلاش مرقعة فاضية يلااااااا غوووووووووروووو من وشاااااى

اميرة ومنى بفزع حاضر حاضر وجريو دخلو اوضهم . (صحيح ناس متجيش غير ب العين الحمراا ?

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

(ف بيت احمد )

_احمد السلام عليكم

_الام وعليكم السلام انت جيت ياحبيي

اقبل احمد تجاهها ثم اخد يديها يقبلها وهو يقول اها لسة واصل اهو ، عاملة اية ياست الكل

الام بحنان : بخير ياحبيبى الحمدلله ، انت اللى عامل اية يابنى شكلك هلكان كدة لية

احمد : ماانتى عارفة ياامى من الف طول النهار ف الشوارع

الام بحنان وهى تربط ع ظهر ابنها : ربنا معاك يابنى ويرزقك ويفتحها فوشك

احمد : ربنا يخليكى ليا ياست الكل اللى صحيح الحج فين

_الام راح يصلى العشا وقال هيعدى ع عروسة اخوك يشوفها محتاجة حاجة قبل الفرح ولا لاء

_ احمد هو حسام جاى امتى صحيح

_ الام باذن الله بعد يومين

_احمد باذن الله وحشنى اوووى اوووى ليا سنتين مشوفتوش هموت واشوفة

_الام ربنا يرجعة بسلامة ويخليكم لبعض

وعبال مفرح بيك انت كمان ياحبيبى

احمد بحماس : ياااااااااارب يارب ايوة ادعيلى الدعوة دى على طول

الام بضحك : شوف الواد مستعجل ازاى

احمد ببسمة : مستعجل بس دا انا همووووت واميرة تبقى مراتى يا ماما بس اعمل اية لسة قدامى مشوووار طويل وخايف لتزهق وتسبنى وتسمع كلام ابوها

_الام لا طبعا اميرة بتحبك و مستحيل تفكر تسيبك وان شاء الله تكونو لبعض

احمد: يارب ياست الكل يسمع منك

الام بحنان: ربنا يبنى يقرب البعيد ويجمعكم ف حلالة قريب يلا قوم خدلك دش وغير هدومك عبال ما حضرلك العشا

احمد: ماشى ياحببتى ، وقام دخل اوضتة بس اول حاجة عملها طبعا زى كل يوم دخل البلكونة وخبط ع باب بلكونة اميرة ،

وهى كا العادة كانت مستنية ف طلعت بسرعة البرق ع البلكونة واول ما شفتو قالت ...

احمد اخرت لية مستنياك من بدرى ؟

احمد بحب : وحشتينى

اميرة ببتسامة خجله : وانت كمان عامل اية النهاردة

احمد : الحمدلله ياحببتى انتى عاملة اية

اميرة: انا بخير طول منا بحبك يا احمد

احمد بغمزة : يبقى هتفضلى بخير ديما،

ها قوليلى بقا عملتى اية انهاردة

وبدات اميرة تحكيلو تفاصيل يومها اللى هى هى مبتتغيرش والى هو عمرو مامل انو يسمعها للمرة المليون

★★****************************★★

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

#انت_نصيبى_وقسمتى

#اسراء_جمال