Nakatulog si Khala habang umiiyak pa rin. Dinala siya ni Kennedy sa kanyang bahay upang duon muna matulog. Bukas na bukas pupunta pa sila sa police station para magbigay ng statement sa mga nahuli na mga magnanakaw. Hindi umalis si Kennedy sa tabi ng dalaga hanggang sa nakatulog. Parang batang naghahanap ng kalinga ng isang magulang ang hitsura kanina ni Khala. Umiigting ang panga ni Kennedy sa galit sa dalawang lalaki. Kung hindi lang siya kanina pigilan ni Kaloy baka napatay niya na ang dalawang lalaking nagtangka sa pagpasok sa kasintahan. Alas onse na ng gabi ngunit hindi pa rin makatulog si Kennedy. Nasa tabi lamang siya ni Khala habang sinusuklay ng kanyang kamay ang buhok ni Khala na mahimbing na sa pagtulog. Minsan tumulo pa bigla ang kanyang luha kaya hinding magawa ni Kenned
