“LATE ka na naman nakauwi,” ani Mrs. De Vera kay Moira. Nakasalubong niya ang ina sa salas, may bitbit itong isang tray na may lamang mga kape.
Pasado alas siyete na nang matapos silang manood ng sine ni Slater pero nag-dinner pa sila kaya mag-aalas nuwebe na siya nakauwi. Lumapit siya sa ina at hinagkan ito sa pisngi. “Nanood ho kasi kami nila Perrie ng movie, eh,” pagsisinungaling niya. Sa totoo lang, nagi-guilty na siya sa ginagawa, iniisip na lang niya na malapit na rin namang matapos ang pagtatago nila ni Slater.
Nakita niya ang pagkunot-noo ng Mommy niya. Kinabahan siya. Tumawag ba ang isa sa mga kaibigan niya at hinanap siya? Huwag naman sana.
“Nadadalas yata ang paglabas ninyo lately. Baka naman napapabayaan mo na ang pag-aaral mo?” maya-maya ay sabi ng ginang.
Mabilis
