Tuso
ALUMPIHIT na si Carlos, hindi na mapakali. Kating-kati na ang mga kamay niya. Ubos na ang laman ng latang ibinaon ni Milencio sa silong. Pati ang lahat ng pinagbentahan niya sa mga alahas ng japayuki ay naubos na rin. Isang pipitsuging sindikato na bumibili ng mga nakaw na gamit at kung ano-ano pa ang pinagsalyahan niya sa mga iyon. Malinis ang diskarte niya. Walang sabit. Hindi siya dinampot ng mga pulis dahil hindi siya nakita sa CCTV camera. Wala ring nakapagturo na kasama siya nang pasukin ni Milencio ang bahay at pagnakawan. Marami rin ang nakapagpatunay na magdamag siyang naroon sa sugalan. Nawala man siya ay hindi sapat ang oras upang makagawa siya ng pagnanakaw kung kaya lusot siya sa kaso. Nakapagpasarap siya sa mga ninakaw ng pamangkin at nakapagpasarap rin sa nakababaliw n
