جريمة عشق ٣ (عشق الفهد)

الحلقه ١ ج (3)

الحلقه ١ (٣)

رواية جريمة عشق٣

(عشق الفهد)

بسم الله نبدأ

--------------------بقلمى Mariem Nasar

محمد . شاف فونه . وان رينو متصلتش عليه . وقال يبقى مراد وصلها ..و بعد ساعتين خلص شغل . وخرج من المستشفى . واتحرك على البيت . ووصل . دخل البيت . ونده . نورى . تيم . وسمع صوت ضحك فى الليفنج . وراح على الليفنج . السلام عليكم .

مراد . ونور . وعليكم السلام .

محمد : سلم على مراد . وسلم على نور .وقعد جمب مراد :

محمد : مراد باشا بنفسه هنا !!.. لا بقى دي مصدقهاش .

مراد : ليه بس كده ادكتره . منا كنت هنا العيد الل فات ولا نسيت .

محمد : ايوه ايوه صح من العيد للعيد . هتتحاسب على اختك دى لانها من ارحماك .

مراد : ايه يعم كمية السيئات الل حدفتها فى وشى دى . وبعدين اختى من ارحامي . وهي على طول بتجي عندنا . ولما بتغيب شهر عننا بنجيلها . ريح انت . هي مش ناقصه حريقه . وبعدين . نور مسامحه مش كدا يانور .

نور : حبيبى يامراد . ربنا مايحرمنيش منكم ابدا . بصراحه انت اول ما اتصلت عليا وقولت انك جاى تسلم عليا . انا فرحت اوي .

مراد : واحنا يهمنا فرحتك يانور الحياه . وقام وقف استأذن انا بقى . زمان فريحه قالبه عليا البيت .

محمد : لا تستأذن ايه هو دخول الحمام زى خروجه . انت ادبست يامعلم . وهتتغدي معانا .

نور : قامت فى ثوانى والغدا يكون جاهز .

مراد : لا انا هتغدى فى البيت مع العيله انتى جهزى الغدا لجوزك وانا هنزل .

محمد : اقعد بس وبعدين الساعه داخله على ٦ يعنى زمان ابوك اتغدي من بدرى . وبص ل نور هي رينو فين !؟ بتلعب مع تيم .!!

آدم ومريم : قاعدين مع العيله فى الليفنج . مع زين وريتال وفريحه . والأطفال .

آدم : بيلاعب مريم نونو .وبص ل مريم وحس انها مش طبيعيه من ساعة ماجه وهي ساكته . مالك يامريم . انا من ساعة الغدا وانتى مش عجبانى . انتى ماأكلتيش .. انتى حاسه انك تعبانه .؟

مريم : ها . لا ابدا مفيش حاجه . وبتفرك في ايديها لاول مره ..

آدم : قرب منها . ونزل مريم نونو . ومسك ايديها . مالك يامريم . وايد*كي ساقعه كدا ليه .

مريم : مش عارفه يا آدم حاسه اني قلبى مقبوض اوى . ومش مرتاحه .

زين : قام علشان يقعد جمبها كويس .

آدم : بيدلك فى ايديها حبيبتي في ايه بس . تفائلى خير .

زين : ايه ياست الكل مالك .

مريم : قلبها بيدق جامد . ومخنوقه وحاسه انها عايزه تتخانق . وسؤالهم المتكرر خنقها اكتر. وبستغفر في قلبها .

فريحه : وريتال . قامو وقربو منها . مالك ياماما حاسه بحاجه .!؟

مريم : مبتردش على حد .. مغمضه عينيها . وقلبها بيزيد خنقه وتوتر . وحاسه أن فى حاجه هتحصل وقلقانه . ومش مرتاحه . واتخنقت من كتر أسئلتهم وضغطهم عليها تعبها اكتر ونرفزها .

آدم : بقلق . لان مريم وشها بقى اصفر وايديها بتترعش . مريم انتى حاسه بايه . ومالك اتكلمى . ردي. عليا .

مريم : شدت ايديها من ايد آدم . وقامت مره واحده . وزعقت بصوت عالى . يوووه . انتو بتسالو كتير ليه ؟ ابعدو عنى انا مش طايقه حد . وسابتهم واتحركت خطوتين . ووقعت على الارض . واغمى عليها .

محمد : هي رينو جوه بتلعب مع تيم .؟.

نور : رينو !؟ لا ياحبيبى . وايه الل هيجيب رينو لوحدها .

مراد : رينو يبنى انا وصلتها لحد باب المستشفى . وسبتها . ورحت مشوار . وجيت على هنا . انت موصلتهاش البيت !؟

محمد : لا . هي جت المستشفي الساعه ٣ ونص . وانا قولتلها انا كنت لسه هكلمك متجيش ! لان العمليه مش هتتعمل .. وقالتلي انها هروح ..قلتلها انا هاوصلك .. قالتلي لا ابيه مراد لسه قريب من المستشفى هاتصل عليه يوصلني .. قلتلها يا رينو استني هنا ساعتين هاخلص كل حاجه ورايا و هاوصلك بنفسي . قالتلي لا خليك انت شوف شغلك وانا هاتصل على ابيه مراد . ولو ماردش عليا انا هخليك توصلني .. ولو رد عليا و هيوصلني انا مش هاتصل عليك .. وانا خارج من مركز الاشعه شفت تليفوني ما لقيتهاش متصله عليا قولت تمام يبقى مراد وصلها ..

مراد : بعدم فهم .. لا رينو متصلتش عليا اصلا ولا كلمتني ..

مراد : ثوانى هتصل عليها . واتصل . غير متاح

نور : يمكن اتصلت على زين او بابي !؟

محمد : ممكن ..

مراد : طيب انا هاتصل على بابا وأشوف .

محمد : ايوه اكيد وصلها من بدرى . الكلام ده من ساعتين ونص ..

مراد : ماشى ثوانى هتصل ...

مريم اغمي عليها .. وكلهم اتخضو . وزين اتصدم وجرى عليها . مااااما . والبنات خافو .

وآدم : اترعب . مرررريم . وجري عليها . وشالها . وطلع بيها فوق .

وسعاد والبنات اتخضو عليها . سعاد استر يارب . تعالى يازوزو اعملى عصير ليمون بسرعه . وانا هطلعه . استر يارب .

آدم : نيم مريم على السرير . بخوف . وقلبه بيدق بسرعه . وقعد جنبها . ومش عارف يتكلم وبيدلك ايديها .

زين : طلع فونه وبيتصل على رينو . بحكم انها دكتوره . وشاطره وهتكون اسرع من نور لان نور لسه على ما توصل وتجهز هي وعيالها هتاخد وقت . اووف رينو فونها مقفول . اتصرفى يافريحه . رينو فونها مقفول . وآدم بردو سامع . لكن قلبه مع اميرته وبس .

فريحه : ريتال . بسرعه روحي هاتى جهاز الضغط . إنا مش هقدر أجرى .

ريتال : حاضر حاضر . وراحت بسرعه .

فريحه : قعدت جنبها . ومسكت ايديها . ونبض قلبها سريع جدا . وقاست الضغط . وكان واطي جدا . وفريحه استغربت . ازاى ماما ضغطها واطي اووى كدا وض*بات قلبها سريعه.!؟

آدم : سامع . وشاف مريم بتنهج . وعرف ان دي نوبه خوف . وقربها منه . ورفع راسها على ص*رها . وبيهمس في ودنها . مريم حبيبتى متخافيش انا جمبك . آدم حبيبك جمبك . خايفه من ايه ياحبيبتي . اوعي تخافى وانا معاكى . ومسد على شعرها .

فريحه : متابعه نبضات قلبها مع الساعه .. فعلا يابابا. شكلها خايفه . لكن دلوقتى نبضات القلب بنتظم . بس لسه سريعه شويه .

زين : قاعد عند رجليها بخوف حقيقى . ومش عارف يعمل ايه . وماما خايفه من ايه !؟

فون آدم رن . وكان فى جيبه. ومردش . وبيمسد على شعرها وجسمها . اهدي ياروحي انا جمبك . انا آدم حبيبك . وفونه رن تانى . لكن طلعه من جيب الجاكيت ورد من غير مايشوف الرقم . الو..

مراد : الو . ايوه يابابا . هي رينو عندك فى البيت .

آدم : فتح عينيه . وبص على مريم . الل قلبها بيدق بسرعه . وافتكر . زين بيقول فونها مقفول .وحاول مايفسرش . وعايز يفهم اكتر . احم ليه فى ايه !؟

مراد : ابدا . اصل محمد بيقولى أن رينو مروحه البيت من ساعتين ونص . لكن هو موصلهاش . قالتلو هتتصل عليا . بس ماتصلتش .واتصلت عليها اكتر من مره وفونها مقفول .. وقولتلو هتصل اشوف بابا . او زين . اكيد هي كلمت حد فيكو ووصلها . فقولت اطمن .

آدم : قلبه بيدق بسرعه. وبلع ريقه . وقال ل مراد : كله تمام انا خمس دقايق وهكلمك . وقفل من غير مايرد .

.واتصل على رينو . غير متاح . واتصل تانى غير متاح .

.آدم . كدا أتأكد أن خوف مريم وقلقها مش من فراغ . رينو انتى فين يابنتى . وبيفكر يعمل ايه . ولو مريم عرفت اكيد هتتعب اكتر . وممكن .... لا لا انا لازم اتصرف . ونيم مريم على السرير وقام وقف. وقال فريحه .

فريحه : نعم يابابا .

آدم : اتكلم غصب عنه وبيحاول يكون طبيعى .. عايزك تدى مريم . ابرة مهدئ أو منوم . انا عايزها تنام علشان تستريح ينفع!؟ . او انتى هتعرفى . ولا اتصل على محمد وناخد منه اسم الحقنه .

فريحه : لا يابابا طبعا هعرف . انا هديها حقنه مهدئ . لانها خايفه من حاجه .

آدم : طيب اديلها الحقنه . وخليكى جمبها انتى وريتال . وانت يازين .

زين : نعم يابابا .

آدم : تعالى معايا تحت . وبص على مريم بخوف . واترعب من خوفها كدا اكيد فى حاجه حصلت. .واخد زين ونزل المكتب .

آدم : اسمع يازين . انا خارج دلوقتي . انت هتفضل هنا جمب مريم . لو حسيت انها تعبت حتى لو كحت . تاخدها على المستشفى فاهم.

زين : بقلق .. حاضر يابابا . بس حضرتك اول تعملها تسيب ماما تعبانه وتخرج ..

آدم : مستعجل . ولكن مش عايز يسبق الأحداث . ومش عايز يقول ل زين علشان البيت ميتوترش . ويحصل فوضى وممكن يكون كل ده وهم مش اكتر . احم ورايا مشوار مهم يازين يلا اطلع وخلى عينك على مريم . وخلى فونك جمبك . زين هز راسه ومش مقتنع . ولكن سمع كلام آدم.وطلع .

آدم : فتح الخزنه . وطلع منها سلاحين . وحطهم فى البدله . وخرج وركب العربيه . واتصل على رينو . مره واتنين . واكتر . وغير متاح . واتصل على مراد ..ورد

مراد . الو .

آدم . انت فين .

مراد : انا عند محمد .

آدم . انزل انت ومحمد وحصلونى على المستشفى . خمس دقايق يامراد وتكونو هناك . واسمع اختك نور متعرفهاش اى حاجه .

مراد : بخوف . وبعد عن نور . خير يابابا . انا بعيد عنهم . في ايه

آدم : بقلب موجوع . فى أن رينو اختك مجتش لحد دلوقتي . ولا اتصلت على اى حد فينا . حصلنى يامراد . انا عايز محمد ضرورى اخلص .

مراد : اتصدم . وقلبه بيدق . وقفل مع ابوه . وراح عند محمد. ونور كانت في المطبخ . ومراد حكى لمحمد كل حاجه . ومحمد اتصدم وقام بسرعه . وقال ل نور أن فى حاله طارئه في المستشفى . ومش عارف هرجع امتى .

نور : طيب مش هتتغدى . ومعرفتش رينو روحت ولا ايه ...

محمد : بقولك حاله طارئه يانور .وبتفكير . رينو فى المستشفى وفونها كان فاصل . وهتدخل معايا العمليات ومتقلقيش . مراد نازل وانا هنزل معاه .. وانتى خلى بالك من نفسك .وسابها ونزل مع مراد . ورايحين المستشفى بسرعه وكل واحد مرعوب وعندو ١٠٠موخيلا . ووصلو اخيرا .

وآدم واقف قدام المستشفى . قولى يامحمد ايه الل حصل بالظبط .

.محمد حكاله كل الل حصل .

.مراد : حس بالتوتر . واتصل على فهد . وفهد مابيردش .

وآدم قلبه بيغلى من الخوف . وكل مايغمض عينيه يفتكر نور لما اتخ*فت.

آدم : تعالو على غرفة الكاميرات الداخليه و الخارجيه اكيد مصوره كل حاجه من ساعة ماخرجت.

مراد : سابهم ودخل بسرعه اول واحد .

وشغلو الكاميرات . وجابوها من عند الساعه ٣ ونص . واتصدمو . لما شافو . رينو بتجري . وفى واحده منقبه . الصوت مش واضح . وصورة الست المنتقبه مش واضحه . لان المسافه بعيده .

آدم : بينهج . بتعب . اول مره حقيقى يخاف كدا . وحط ايدو على على جبهته . ومش عارف يفكر .

مراد : بسرعه تعالو نروح عن المحلات فى الاتجاه التانى . لانها مشيت لقدام فى الاتجاه التانى . وكلهم راحو . عند المحلات . وكان فى صيدليه . ومراد دخل وطلب الكاميرات . واتف*جو . عليها . والصدمه كانت أكبر . لانهم شافو كل حاجه . وان رينو بتفتح باب العربيه . وقعدت على طرف الكرسي . وبعدها رينو راسها نزلت لتحت . والست المنقبه وحد ساعدوها ودخلت رينو فى العربيه ومشيت .

كلهم فى حالة خوف مبهم.

آدم : واقف تايه لاول مره من سنين . رينو بنته كدا اتخ*فت . لارين فين !؟ . ومين دول!؟ . بيعملو معاها ايه .!؟ عايشه ولا.... وقعد على كرسى فى الصيدلية بيأس ورعب وخوف . وحس انه أضعف مما يكون . وعيونه مفتوحه وخايفه . ودمعه نزلت منه بتعب .

محمد : شاف آدم . وراحله واتكلم بلهفه . آدم . آدم . انا عايزك تفوق . كل حاجه هتتحل . قوم فكر يا آدم انت لازم تلاقي حل . قووم .

آدم : بص ل محمد بخوف اب واتكلم بيأس . انا مش ساحر يامحمد . ولا عندى معجزات . انا اب وبنته اتخ*فت . والل خ*فوها مالهمش معالم . بنتى فين يامحمد . بنتى مخطوفه من ٣ سعات واكتر يامحمد . رينو يامحمد . ودموعه نزلت .

مراد : واقف بره . ودموعه نازله . وبيتصل على فهد ومبيرردش . واتصل على طارق . الو ايوه .يطارق . تعالى على القسم حالا يطارق. رينو . رينو اتخ*فت يطارق . ومتعرفش حد عندك . فهد عندك!!؟ . طيب انا فرغت الكاميرات . وعايز نعرف العربيه فين. بسرعه يطارق . ودخل بسرعه . وشاف آدم لاول مره ضعيف كدا . وراح عند آدم ونزل على ركبه . لا . لا يابابا. انا عمرى ماشوفتك ضعيف كدا . انت آدم العدوي . وهتلاقى حل .

آدم : بص ل مراد بدموع . انا محافظتش على بنتى يامراد . انا اب فاشل . وربنا بيعاقبنى . بس يعاقبنى في نفسي فى جسمى . ياخد روحي . بس حد من عيالى لا .

محمد : ايه يا آدم . انت من امتى بالضعف ده . انت لازم تفوق . لازم نفكر . اكيد فى حل . ربنا عمرو ما خذلنا قبل كدا . ربنا ديما معانا وبيقوينا . قوم يا آدم . قوم علشان نشوف مين دول . واقسملك . ماهنخلى فيهم واحد عاايش. وانت يامراد اتصل على فهد .

مراد : فهد مبيردش . شكله نايم. قوم يا بابا . قوم . واوعدك أن رينو هتبات في حضنك انهردا . قوم. انا كلمت طارق . وهنعرف مكان العربيه . وصدقنى هصفيهم كلهم قدام عينيك . وقامو. وطلعو على القسم. وطارق حصلهم . وكان مصدوم . واتصدم . بالل شافو فى الكاميرات . وعرفو رقم العربيه . وبعد شويه من الانتظار الل كأنه سنين . العربيه اكتشوفو انها مسروقه . ومركونه على طريق . فى مكان صحرا . ومفيش اى إثر لحد فى العربيه . الرعب بيزيد . لكن مراد اخد عربيته وبيلف زى المجنون فى اتجاه العربيه المسروقه . هو ومحمد .

وآدم بيضعف . وجواه الف فكره وفكره . ودعي فى قلبه يارب . انت الحافظ . يارب انا لو عملت ذنب فى حياتى . متخلصوش فى بنتى . يارب خليك معاها يارب . انت الوحيد الل عارف بنتى فين . احفظها وقويها . يارب . احرسها بعينك التي لا تنام . يارب . وافتكر مريم . ودمعه تانيه نزلت منه .

. وطارق . بصدمه اكبر لما شاف آدم باالضعف ده . وراح عندو . ايه يا آدم . هو انت وقت الجد هتضعف ولا ايه !؟ . قوم . وهندور عليها . وهنلاقيها .

آدم : مبيردش ....

طارق : آدم انا عارف أنه صعب عليك. وانك مش جبل ..

.لكن انت اب لبنت مخطوفه . ومحتاجه لابوها آدم العدوى . ولازم تقوم علشان تلاقيها بنفسك .

. وبعدين حط احتاملات يااخى . ممكن علشان يطلبو فديه . او حد من السوق وعايزك تتنازل على مناقصه. وبعدين رينو قويه . وتقدر تدافع عن نفسها . قوم يا آدم. رينو بنتك اكيد دلوقتي بتقول انا بنت آدم العدوى وهو مش هيسبنى اكتر من كدا . فين آدم الل جاب حق ساره . وآدم الل جاب حقه من عا** زمان . وآدم الل رجع ١٨٠ بنت مخطوفين فى تركيا ..

.قوم يا آدم .

آدم : بجمود . هي العربيه المسروقه لقتوها فين .

طارق : شاف آدم بيقبض على ايدو وشاف أن كلامه جاب نتيجه . على طريق مصر الصحراوي .

آدم : قام وقف واتكلم بغضب . انا مش هستنى حد يقولى نستنى ال٢٤ ساعه الل جايين . اجمعلى الحراسه كلها . الل على الشركات والمصانع . والمخازن . وكمان حراسة بيتر . وحراسة جاسر . وحراسة عزيز . انا عايز الكل وكلم زياد ومالك وبيتر .. انا عايز الكل . ماعدا حراسة الفيلا عندى . والمخزن القديم . واديلهم اشاره أنهم يكملو الطريق بعد العربيه من الاتجاهين ع** بعض واى بيت . او مخزن أو مزرعه تتفتش . واى عربيه مركونه قدام مخزن أو مزرعه أو فى الطريق تتفتش . واى حرس واقفين قدام اى مكان يتفتش . ويكون معاهم سلاح . ومش عايز الحريم تعرف . نبه على الكل ..

طارق : تمام ومسك فونه وهيبدء ينفذ

وآدم اتحرك وركب العربيه . وبعد خطوتين ووقف . واتصل على زين . ورد الو

آدم : اخد نفس عميق . ايوه يازين مريم عامله ايه دلوقتى .

زين : اخدت الحقنه ونايمه . وانا وريتال وفريحه جنبها .

آدم : طيب خلى بالك منها .

زين : مال صوتك يابابا . وبعدين هي رينو اتأخرت كدا ليه . انا كل شويه اتصل عليها غير متاح .

آدم : بتمثيل . اختك كويسه . هي مع محمد فى المستشفى . حاله طارئه ..

زين : تمام . وانت كويس يابابا . صوتك زعلان . صدقني ماما هتبقى كويسه .

آدم : إن شاء الله ياحبيبي . وقول لفريحه أن مراد معايه علشان متقلقش. وقفلو .

واتصل على حد من حراسة الفيلا عندو . ونبه عليهم انهم يخلكو بالهم ويفتحو عينيهم على الفيلا كويس .وقفل

.آدم . بص لقدام بغل وغضب السنين .ورجعتله طاقته من تانى وبدء فى البحث عن بنته . الل مختفيه بعد خروجها من المستشفى .حوالى ساعتين ونص واكتر . -------------يتبع