"Good morning, anak! Good morning din sa iyo, Lovely. Kumain na kayo dito. Nakahanda na ang almusal natin!" nakangiting wika ni Divine.
"Sige po, mommy Divine. Salamat po," tugon naman ni Lovely.
Ngiting-ngiti si Divine at todo asikaso kina Lovely at Gabby. Kahit naiilang man si Lovely, panay pa rin ang ngiti niya sa ina ng kaniyang nobyo. Mamaya pagkatapos nilang mag-almusal, magtutungo na sila sa ilog doon upang maligo. Dahil mamayang gabi, kailangan na nilang umuwi. Baka mapagalitan na kasi siya ng kaniyang mga magulang.
"Lovely..."
Napalingon si Lovely nang tawagin siya ni Divine. Luminga-linga pa ito upang tingnan kung nasa paligid ba ang kaniyang anak na si Gabby. Alam niya kasing magagalit ang kaniyang anak kapag nalaman nitong humihingi siya ng pera sa dalaga para mag-tong its.
