Kanina pa kinakabahan si Lucian habang nagmamaneho ng kaniyang sasakyan. Sobrang bilis ng t***k ng kaniyang puso. Walang ibang pumasok sa isip niya kun'di ang mahalagang sasabihin ni Lorna sa kaniya. Hindi siya mapakali. Hanggang sa mahinto na siya sa bahay na sinasabi ni Joseph sa kaniyang. Lalong naghuhumirintado ang kaniyang dibdib. Halos hindi na nga siya makahinga. Nanginginig ang kaniyang tuhod na bumaba sa kaniyang sasakyan. Huminga siya ng malalim bago lumakad patungo sa bahay doon at saka kumatok sa malaki nitong gate.
"Tao po! Tao po!" malakas ang boses niyang sabi mula sa gate.
Isang minuto ang lumipas bago bumukas ang gate doon. Bumungad kay Lucian ang isang babae at ito ay si Tinay. Tiningnan siya nito ng maigi.
"Sino ka? Anong kailangan mo?"
Tumikhim si Lucian. "Nandito
