Naalimpungatan ako nang makapa ko ang higaan at wala na akong katabi doon. Kahit mabigat ang talukap ng aking mga mata ay pinilit kong bumangon para hanapin si Micko.
Tumayo ako para sana lumabas sa kwarto namin nang makarinig ng lagaslas ng tubig mula sa shower.
"Ala sais na pala," bulong ko sa aking sarili nang tingnan ang orasan. "Akala ko wala s'yang flight ngayon?" ani ko pa sa aking sarili.
Bumalik muna ako sa kama para hintayin siya at handa na sanang humiga ulit nang bumukas ang pintuan ng banyo.
"Bakit gising ka na? Maaga pa, ah," aniya pagkakita sa akin.
Nakatapis lang siya ng tuwalya at pinupunasan ng isa pang tuwalya ang kanyang basang buhok.
"May flight ka?" tanong ko pabalik at hindi na nag abalang sagutin ang tanong niya kanina.
"Oo. May emergency ang isang co-pilot n
