Bawat araw na dumaan ay masaya ako sa mga nangyayari sa buhay ko. Unti unti na ring nakikilala ang pangalan ko sa tulong na rin ni Miss Odette at ng Sweetness Overload na pinamamahalaan ko dito sa Pilipinas.
Tatlong beses sa isang buwan kung dumalaw si Miss Odette para kumustahin kami ng personal at natutuwa ito sa outcome ng pamamahala ko sa negosyo niya.
Lumalago na rin ang online business ko na lalong ikinatutuwa at ikinatataba ng aking puso.
Nariyan sina mama at Julius na very supportive sa akin. Nakakaabot na rin ang mga cupcakes ko sa probinsya sa tulong nila.
Dagdagan pa ni Sabrina na kahit busy sa pagri-review para sa kanyang nursing board exam ay may time pa rin na tulungan ako sa aking maliit na negosyo.
Pero sa kabila ng lahat pakiramdam ko parang may kulang pa rin sa buhay
