LAST NIGHT
MAYA-MAYA pa ay tahimik na ang dalaga. Paglingon ni Greg ay nakatulog na pala ito. Habang nakatingin siya sa dalaga ay ipinangako niya sa sarili na gagawin niya ang lahat, mapatawad lamang siya nito.
Nang makarating sila sa condo niya ay ipinasya niyang huwag na itong gisingin at pangkuin na lamang paakyat sa unit niya.
Pagbukas niya pa lamang ng pinto ng sasakyan ay napansin niyang balisa ito at panay ang ungol. Naiiling na yumuko siya upang abutin ito at pangkuin. Nang masigurong komportable na ang dalaga sa mga bisig niya ay isinara niya ang pinto ng sasakyan. Ngunit hindi pa man siya nakaka-isang hakbang ay biglang sumuka ang dalaga. Dahil nga pangko niya ito ay sa katawan din ng dalaga napunta ang suka nito. Ang iba ay umagos na papunta naman sa binata.
"Oh, s**t, Sweet
