-Katrina’s POV-
Umiiyak akong tinawagan si Jackie at nakiusap na sunduin niya ako sa ospital. Hindi ko alam kung paano ko haharapin ang lahat ng nangyayari.
Ang pregnancy test, ang sinabi ng nurse, at ang sanggol na unti-unting nabubuo sa loob ng tiyan ko. At higit sa lahat, ang katotohanang ilang araw na lamang at dapat ay nasa eroplano na ako papuntang Australia, pero hindi na iyon matutupad pa.
Pagdating ni Jackie sa kwarto ko, halos patakbo siyang lumapit sa akin.
“Kat!” Agad niya akong niyakap nang mahigpit. “Anong nangyari sa’yo?” nag-aalalang tanong niya. “Bakit nandito ka sa ospital? Sinong nagdala sa’yo dito?”
Hindi ako agad nakasagot. Humigpit ang yakap ko sa kanya habang pilit kong pinipigilan ang muling mapahagulgol.
“Jackie…” Halos pabulong na lamang ang boses ko. Hindi
