"Sa palagay ko ay kailangan ko nang umuwi, umaga na rin," sabi ni Gilliane kay 'Gorg' matapos niyang pagmasdan ang sariling relong-pambisig. Pasado alas-dos na ng madaling araw. Paunti-unti na ring nababawasan ang mga tao sa club, marami na rin ang bakanteng upuan hindi kagaya kanina pagkarating niya. 'Yong iba namang waiter ay nag-uumpisa na ring magligpit paunti-unti.
Ayaw niya ring maka-abala pa kay Gorg, alam niyang posibleng may sariling schedule ito at mga lakad. Maaaring maaga pa ito mamaya sa trabaho or commitments nito. Ayaw niyang maging dahilan siya para mabago ang everyday o daily routine nito. Hindi naman siya para magtanong dahil alam niya ang lugar niya.
Wala siyang karapatan.
Nasa bar na silang dalawa, napagod sa wakas sa ilang oras na pagsasayaw. Parehas silang may tang
