“Hindi totoo iyan. Wala kayong hawak na kahit ano laban sa akin.”
Umalingawngaw ang boses ni Danica Cruz sa loob ng executive boardroom ng Del Rio Holdings, matalim at controlled pero halatang pilit pinipigilan ang pagbitak ng kumpiyansa niya. Nasa gitna siya ng mahabang mesa, naka business white suit na parang armor, habang nakaharap sa kanya ang buong board members na kanina ay halos tahimik lang.
Sa kabilang dulo ng mesa, nakaupo si Rafael Del Rio.
Hindi siya gumagalaw. Hindi rin halata ang emosyon sa mukha niya. Pero sa mata niya, may bigat na hindi agad mababasa ng kahit sinong nasa silid.
“Kung wala, bakit natatakot ka sa ipapakita ko?” malamig na sagot niya.
Sandaling natahimik ang buong silid.
Si Danica ay ngumiti, pero hindi umabot sa mata. “Rafael, personal mo na itong gina
