“I smell some barbeque. Naaamoy mo rin ba ‘yun?" pansin niya bago binitawan ang kamay ko na kaninang hawak niya.
Dahil sa sinabi niya, napasinghot tuloy ako at sinusubukang amuyin ang sinasabi niya na ilang segundo ko lang napagtantong mayroon nga.
Nagsalubong ang mga kilay ko. Napakalapit ng amoy mula sa pwesto namin. “Oo nga ‘no?” Nilingon ko siya.
“Dito ba 'yon sa atin? Sila Ate Kia ba ang nag-iihaw?" nagtatakang tanong ko.
“Narinig kong nagpadala si Ate Kia kanina nang ihawan e," pagkwekwento niya na ikinatango ko naman. “Nagutom tuloy ako bigla," saad niya dahilan para mahina akong natawa. Nang makalapit sa beach bed, inabot niya sa akin ang bathrobe na nakapatong sa beach bed, katabi ng mga camera namin.
“Anong meron daw?” tanong ko pa.
Nagkibit balikat siya. “Ewan. Wala n
