"BRIA, hija."
Binitiwan ni Bria ang kamay ni Frank nang pagpasok nila sa mansion ng mga De Asis ay agad na sumalubong sa kanila si Tita Dana.
Narinig nga ni Bria ang paghugot ng malalim na buntong-hininga ni Frank nang iniwan niya ito para lapitan si Tita Dana.
"Hello po, Tita Dana," nakangiting bati ni Bria nang tuluyan siyang nakalapit dito.
Hinaplos naman ni Tita Dana ang buhok niya. Sa ginawa nito ay mas lalong lumawak ang ngiti sa labi niya. Para kasing may mainit na kamay na humaplos sa puso niya sa sandaling iyon.
She felt a motherly love from her.
"Kamusta ka, hija?" tanong ni Tita Dana sa kanya.
"Okay lang naman po, Tita," sagot naman niya dito. Mayamaya ay napatingin siya sa kanyang gilid nang maramdaman niya ang pagtabi sa kanya ni Frank at ang pagpulupot ng isang k
