INALIS ni Bria ang tingin sa plates niya nang marinig niya ang pagtunog ng message alert tone ng cellphone niya.
At nang kunin niya iyon para tingnan ay hindi niya napigilan ang mapaawang ang labi nang makita at mabasa na si Frank ang nagpadala ng mensahe sa kanya. Agad naman niyang binuksan ang message nito para basahin iyon.
I'm already here.
Nang mabasa niya ang pinadala nitong text message ay agad niyang tiningnan ang oras sa kanyang cellphone. Sampung minuto pa bago ang mag-alas sinko ng hapon. Hindi pa oras ng out niya. Maaga ito ng sampung minuto sa usapan nilang dalawa.
Nabanggit kasi ni Frank sa kanya ang tungkol sa Kuya Francis nito. And the news about his brother being alive is spread like a wildfire. Laman iyon ng balita at sa mga social media. At ang balita din iyon ay
