LUMIPAS ang mga araw, hindi pa rin naka-uwi si Kuya Logan dahil hindi pa tapos ang trabaho n’ya ro’n. Laging chinicheck ni Kuya kung ano ang ganap dito. Hanggang ngayon, malamang ay hindi pa rin ako naka-move on sa nangyari. Hindi naman basta-bastang makakalimutan 'yon.
Minsan nga, napapatulala na lang ako sa kawalan sa kakaisip ng bagay na ‘yon. Nag-o-over think ako na baka malaman ni Kuya Logan. “Next would be Seane Hoover, Holy Junellah Dela Fuesco and Klark Lahova. The three of you is group 8.” Napa-angat ang tingin ko na’ng marinig ko bigla ang aking pangalan.
Muntik ko na’ng makalimutan na naghahati pala si Miss Valdenebro para sa groupings namin sa subject na ‘Life and Works of Rizal’. Ito ang first subject namin sa hapon pero nag-iba bigla ang schedule namin kaya naging last subj
