HINDI ko niyakap ng pabalik si Kuya Logan dahil rin siguro na nahihiya ako at napa-tulala ako kay Levai. Hindi ako kumurap. Ilang segundo pa ang tinagal n’ya ro’n hanggang sa iniwas n’ya ang kan’yang tingin sa ‘kin. Na’ng kinalas na rin ni Kuya ang kan’yang pagkakayakap, doon na tumalikod si Levai at nag-lakad paalis sa pintuan. Pilit akong lumunok na’ng hinarap ulit ako ni Kuya Logan. “S-Salamat po ulit sa marshmallows na binili n'yo. Kakainin ko talaga ‘to mamaya,” marahang sabi ko na lang.
“Eat your lunch first,” mabilis n’yang tugon na agad ko s’yang tinanguan ng dalawang beses. “I’ll be waiting in the dining room.” Sabay inilapat ang kan’yang mabigat na palad sa tuktok ng aking ulo at ginulo ng bahagya ang aking buhok.
“Sina Mama at Papa po, sasabay po ba sila sa ‘tin?” magalang na
