NAGTAGAL PA KAMI dito sa taas ng bundok habang dinadama namin ang malamig na simoy ng hangin sa aming mga balat. Naka – upo na rin si Kuya Heinz malapit kay Elisa, nasa gitna naming dalawa ang dalaga.
Tinanggal ko na ang braso ko sa balikat ni Elisa, Nakita ko na ang reaction na gusto kong masilayan mula kay Kuya Heinz. Gusto kong tumawa ng malakas pero hindi pwede.
Wala naman akong gustong ipagawa kay kuya, sa bahay ko na lang mamaya sasabihin kung ano iyon. Hindi na naman kami mga bata kaya ang pagiging hari ko ngayon ay hindi na tulad noon.
“Tara na! Nagugutom na ako, ikaw gutom ka na?” wika ko at tinanong ko pa si Elisa.
“Hindi pa naman masyado. Baka si Sir Heinz,” sagot nito at si Kuya pa ang inalala.
“Kuya Heinz, tara na! Baka nasa kubo na ang pagkain natin o di kaya ay pap
