فارس بصدمه شلته لما شاف أبوه واقف وكمان جنه ورقى قدامهم .. ياترى عرفت .. ياترى قال لها حاجه هو مش عايز الراجل دا فى حياتهم تحت أى ظرف لازم يفضل بعيد زى ماكان بعيد طول عمره .. مسك يحى من قبته وبيزقه على السلم ووشه إتحول لجمر لنار : أنا مش قولتلك مش عايز أشوف وشك هناااا وحذرتك .. إيه قلبك جامد لدرجه إنك مستغنى عن عمرك
يحى بضعف حط إيده على إيد فارس : يابنى أنا مش جاى
فارس زقه وقعه من على الباسطه بغيظ وكره متملكين منه ورقى صرخت بعلو صوتها وجنه جريت على يحى إلا ماسك راسه ودراعه وعيط عدلته براحه وراحت لفارس إلا واقف وفى وشه غضب وكره مش مفهومين لهم زقته بقوتها وبعصبيه : أنت فاكر نفسك مين عشان تعمل فى الناس كدا .. أنت إيه شيطان ماشى على الأرض ..الناس مش عبيد عندك ولا الفقرا دول اقل منك فى حاجه أنت فاهم .. بتلف إيديها وبعصبيه .. بالع** دول أحسن منك مليون مره .. أنت إيه حتت واحد منفوخ على شوية ك
