جنه فتحت بوئها وبكرى تنح وسكت ووشه أحمر وريماس جوا بتهوى على وشها وبهمس: يارب الطربش إلا جواها يهمد يارب طب أتقدملى أنا دى بتفتح الدماغ على طول أنا كيوت .. طلعت جرى برا وعمر باصص على وشوشهم ومستنى أى كلمه مفيش
ريماس ضحكت بطريقه غريبه : ها ها ها .. ياااه حضرتك جاى متاخر قوى للاسف داحنا كنا هانزحلقها أمبارح وبتنطر إيديها على برا
عمر هز راسه وباصص لجنه وجنه بترفع كتافها بمعنى ماتعرفش
بكرى : ههههه مالك ياريماس
ريماس مسكت بكرى من كتفه : يابابا أنت ناسى الظابط إلا كان هنا إمبارح وراسه وألف سيف مايمشى من غير ما ياخد جنه
بكرى : يامصيبتى بنتى هاتتحبس
ريماس : لاء يابابا ها تتجوز وإلا اقولك ماهو دا حبس ودا حبس مش فارقه كتير
عمر ابتسم : رسيتو على إيه يعنى
ريماس : كنا خلاص .. عارف أول امبارح كان فى لوا عايزها بردو
عمر هز راسه : الداخليه كلها طمعانه فى جنه
ريماس ضحكت : جدا جدا .. أصلا
