A Voiceover Like Siri's
Hindi ko alam kung paano sasabihin kila Ate Rhian, ang kasama namin sa bahay, sa mga magulang at sa lolo at lola ko na may mga parte ng katawan ko ang bawal basain. Pagkagising ko kinaumagahan ay wala na si Joaquin sa tabi ko at nasa isang malambot at pamilyar na kama na ako, pamilyar dahil ito ang pakiramdam at maging ang burda sa kumot ng sariling kama ko sa bahay.
Maingat kong kinapa ang tagiliran ko at ang ilalim ng dibdib ko dahil napansin ang kakaibang hapdi nito. Sa marahang pagsipat ko ay naramdaman ko na ang mga nakabukang saksak sa akin ay nakatahi na at mahigpit na nakabenda.
Medyo mahapdi pa rin ito, at sa tingin ko ay nabawi ng mahaba kong tulog ang lakas ko.
Nanatili ako ng ilang saglit sa kama ko, nakahiga at walang gustong isipin kung hindi ang m
