Katana's POV
Araw ng Miyerkules. Makalipas ng tatlong araw na pamamalagi ko sa kwarto ni Zandrew ay naging maayos na rin ang kalagayan ko.
Akala ko aabot pa ito ng isang linggo pero buti na lang ay hindi ito nagtagal dahil ayoko ri namang magtagal pa rito sa kwarto ni Zandrew.
Sabi ko sa kanya na roon na lang ako matutulog sa kwarto na ibinigay ni sir Zhyne sa akin para hindi na s'ya matulog pa sa sofa pero hindi nya ako pinayagan.
Nakakapunta lang ako sa kwarto na iyon kapag maliligo ako, pero bantay sarado nya pa rin ako. Walang lumipas na oras na hindi s'ya nawawala sa paningin ko.
Hindi ko alam kung bakit gano'n na lang ang mga kilos nya, para bang binabantayan ako. Akala nya siguro tatakas ako.
Sa loob ng tatlong araw na iyon, wala akong ibang inatupag kundi ang mag laro ng
