NAGKULAY red ang traffic light kaya inihinto ko ang aking sasakyan. At minsan pa ay nilinga ko ang ferris painting na nakaukupa sa passenger seat. Iuuwi ko na kasi siya.
Kanina ay pinagpilitan talaga ni Jwan na kunin ko ang painting kasi ay ginawa raw niya talaga ito para sa akin. Ako raw ang dahilan talaga kung bakit hindi niya ipinagbibili ito. Sa una’y ayaw ko talaga tanggapin. Ipinilit ko pa nga na bibilhin ko na lamang, subali’t ay ibebenta na lang daw niya sa iba kapag hindi ko tatanggapin bilang regalo. Ilang taon daw na hinintay ako ng painting, ilang taon daw sila ni Gio na nakipagdebatehan sa mga customer na gusto talagang bilhin ang obra para sa akin, tapos ay tatanggihan ko lang daw.
“Huwag ka ng mahiya, Shema. Inilaan talaga ni Jwan ang fairies para sa’yo,” sabi rin ni Gio
