CHAPTER 39
Patawad
MATAPOS maikalma ang sarili, itinuon ko na ang pansin sa third mission.
Kailangan ko na talagang natapos ‘tong mission na ‘to. Nangako ako kay Louisse! Dapat, hindi masayang ang pagsasakripisyo niya!
Inilibot ko ang tingin sa paligid habang nagpupunas pa ng luha. Ro’n, napansin kong nasa isang park ako.
Hindi ko na pinag-aksayahan pang tingnan at ipagkumpara ang park na ito sa mga napuntahan ko dahil naghahabol ako ng oras.
Naningkit ang mga mata ko habang hinahanap ang kailangan kong ipag-match na sina Nathan at Lavinia. Ngunit sa pagtingin ko sa mga tao, hindi ko maiwasang hindi mailang sa mga ilan na nakatingin sa akin.
Paano ba naman kasi ay ganito pa ang suot ko, out of place sa mga suotan ng mga nandito. Galing pa kasi akong photoshoot kanina. Ipinagsawa
