Confident naman si Agatha na hindi siya malalasing. Wala rin siyang balak na gawin iyon lalo na sa ganitong klase ng party. Kaya kahit medyo ramdam ang epekto ng canned beer na ininom ay hindi naman ‘yon naging dahilan para mabawasan ang kasungitan niya.
She’s still perfectly Agatha Ruth.
Hindi niya nga lang alam kung paano sila napadpad ni Mr. Scammer sa gawi ng fish pond. Hindi naman siya nito papainumin gamit iyong hose, hindi ba? Subukan lang talaga nito at tiyak na ipapalunok niya iyon sa lalaking ito!
“Is that a goldfish?” tanong niya at tinuro ang nakitang isda.
Mumunting mga ilaw na lang ang nagpapailaw roon sa fishpond. Nakasandal si Trenton sa post lights sa bandang gilid at nakakrus ang mga braso sa tapat ng dibdib.
“Kapag kamukha mo, iyan na iyon…” saad nito dahilan p
