Natulala ako pagkagising na pagkagising ko. Madilim na sa labas at ako na lang ang mag-isa sa hotel room ko. Imbis na napahinga ako dahil sa haba ng tulog ko ay para akong hinuhukay sa lupa dahil sa napakalaking kahihiyan.
Ginulo ko ang buhok at muling dumapa sa higaan. I shrieked on my pillow. Humampas ang dalawang paa ko sa kama ng ilang beses dahil sa inis.
Nahinto lamang ako nang kumatok at pumasok si Pia. May dala siyang plastic. Lumapit siya sa akin at inilabas ang mga hangover drinks na binili niya. Hindi ko siya matignan ng diretso sa mata dahil nahihiya ako.
Iyon ang unang beses na nakita niyang nalasing ako, iyon na rin sana ang huli.
“Si Architect Ledesma po ang naghatid sa inyo rito.” Binuksan niya ang isang inumin at ibinigay sa akin.
I accepted it and drank it immedi
