Jarrah's Pov:
"Good evening po, Tita, Tito."
Napangiti na lang ako nang mag-bless si Theo kina Mama at Papa. Kararating lang namin at nakahanda na rin ang lamesa para sa hapunan. Tama nga si Mama dahil nauna pang makauwi sa amin si Papa.
"Oh, Theo... mabuti naman at napabisita ka," ani Papa at kaagad na pinatuloy si Theo. "Mabuti pa ay dito ka na maghapunan."
"Maupo na kayo," segunda naman ni Mama. Inakay n'ya paupo si Heidi matapos hugasan ang mga kamay nito.
Tumingin sa akin si Theo, tinaasan ko lang s'ya ng kilay at inginuso ang lamesa. Naaaliw na naupo s'ya sa upuang lagi n'yang inuupuan.
Umupo na rin ako. Katulad ng nakagawian ay nagdasal muna kami bago kumain.
Dating gawi si Papa, marami s'yang tanong kay Theo na kaagad namang sinasagot ng huli. As usual ay business ang paksa
