EPISODE 6
PATRICIA
“Sino ‘yun? Boyfriend mo ba ang manyak na ‘yun?”
Napatingin ako kay Kyle nang magsalita siya. Ilang minuto rin kaming tahimik simula nang makapasok na kami sa loob ng unit ko.
Nakaupo kami ngayon dito sa living room ng unit ko at katatapos ko lang uminom ng gamot at tubig.
Nang mahimatay si Cullen sa malakas na pagsuntok sa kanya ni Kyle, inilabas na ako ni Kyle sa bar at isinakay niya ako sa kanyang kotse lalo na’t hindi ko dala ang sasakyan ko dahil ang van ang ginamit namin ni Aira. Hindi muna ako iniwan ni Kyle at binigyan niya rin ako ng tubig. Kung hindi lang sana nangyari ang eksena kanina sa may bar ay sigurado akong tuksuhin ko ngayon si Kyle at lalandiin lalo na’t nandito siya sa loob ng aking teritoryo.
Pero nanghihina pa rin ako, hindi pa rin ako makap
