Amelia's POV:
Nagpahinga kami saglit sa tabing ilog. Nanghuli pa kami ni Equinox ng isda upang may makain kami. Hindi pa ito marunong kaya tinuruan ko siya.
Tinaas ko ang aking leggings hanggang sa kalahati ng aking hita. Tinanggal ko na rin ang aking arm sleeve dahil alam naman na ni Equinox kung sino talaga ako. Hindi ko na kailangang itago pa. Ayaw ko kasing mabasa ang damit ko. Mahirap magpalit dito sa gitna ng gubat.
"Tuturuan kita. Hindi ka marunong," sabi ko at kumuha rin ng matulis na kawayang ginawa niya kanina.
"Hindi ko kailangan ng tulong mo. Kaya kong manghuli mag-isa. Huwag mo akong pakialaman," pagmamatigas nito.
"Hindi kita tutulungan kung ayaw mo pero panoorin mo ako kung paano. Napapanood ko ito dati sa CD. Hindi ka makakahuli sa pustura mo," sabi ko.
Hinintay kong
