[Seraphina Rivero]
MAY school activities sa school. Ginaganap ang Sports Festival na proposal ni Manuel at Aki. Kapag ganitong panahon ay mas gusto ko na tumatambay sa faculty para planuhin ang klase sa buong taon. Madalas kong hayaan ang ibang guro sa aktibidad. It’s because I never like sports. Simula nang tumama sa akin ang bola ng volleyball noong highschool ako ay hindi ko na pinangarap pa na maglaro ng volleyball.
Nagtungo ako sa library at hindi ko inaasahan na makita si Aki roon. Nakakunot ang noo na nilapitan ko siya.
“Why are you here?” usisa ko sa kanya.
“I need to study, Miss Rivero.”
“Hindi ka sumali sa basketball league?” tanong ko. Matangkad na binatilyo si Aki. Nalaman ko rin mula sa kanyang tiyuhin na marunong ito sa larong iyon. Ang Festival na iyon ay para sa mga
