[Seraphina Rivero]
“WHY did you do that, ‘Pa?” tanong ko sa magulang ko.
Naroon kami sa sala ng bahay at agad kong tinanong sa kanila ang tungkol sa mga nalaman ko kay Gianina. Mabigat ang loob ko sa kanyang balita. Para na rin kasi akong ibinenta ng magulang ko kay Luis. Alam ko na kung sakali na magiging mag-asawa kami ay iisa na lang din naman ang pag-aari naming dalawa. Kung magkano ang salapi ko sa bangko ay may karapatan na rin ang lalaki roon.
Hindi siguro malaking isyu ang bagay na ito sa akin kung mahal ko si Luis at kung hindi niya ako niloko. Binilog din niya ang ulo ng magulang ko.
“Sera, kung ano man ang ibibigay ko sa kanya ay regalo ko iyon para sa pagpapakasal n’yo. Hindi naman siguro iyon masama, anak. Pwede n’yong ibili iyon ng kung ano kapag mag-asawa na kayo. Pwed
