XXV.
NANG UNTI-UNTI NANG lumalapit ang mukha ni Ice sa asawa ay pinipigilan na niya ang kaniyang tawa. Lalo na noong nagsimula ng pumikit ang mga mata nito. Nang hindi na niya nakayanan pa ang sarili na pigilan ang tawang kanina pa niyang gustong pakawalan, humalakhak na siya sabay hampas sa noo ng asawa. Nilakasan na niya para dama.
“It’s a prank! Akala mo, ha?” pang-aasar ni Ice.
Bumuntonghininga si Kirsten. Hindi nito maitago ang hiya sa mukha. Naniwala talaga itong hahalikan kaya napapikit pa ito. Gusto man nitong mainis at manghampas pero natatakot na ito na magalit si Amara. Para mawala ang ilang na nararamdaman nito, nilingon nito si Amara at tinawag.
“Baby A, hindi na kami nag-aaway ni Daddy,” malambing na sabi ni Kirsten.
Dinaganan ni Ice si Kirsten at niyakap. “Baby A, frien
