*ಶ್ರೀ ಭಗವಾನ್ ವಿಷ್ಣುವಿನ ಭಕ್ತಿ ಹೊಂದುವದು ಬಲು ಸುಲಭ

ಈಶಾವಾಸ್ಯೋಪನಿಷತ್

*ಈಶಾವಾಸ್ಯೋಪನಿಷತ್ , ಉಪನಿಷತ್ತುಗಳಲ್ಲಿ ಶ್ರೆಷ್ಠವಾದದ್ದು,ಳ.

ಪರಿಚಯ:

ಓಂ ಪೂರ್ಣಮದಃ ಪೂರ್ಣಮಿದಂ ಪೂರ್ಣಾತ್ಪೂರ್ಣಮುದಚ್ಯತೇ |

ಪೂರ್ಣಸ್ಯ ಪೂರ್ಣಮಾದಾಯ ಪೂರ್ಣಮೇವಾವಶಿಷ್ಯತೇ ||

ಓಂ ಶಾಂತಿಃ ಶಾಂತಿಃ ಶಾಂತಿಃ ||

ಓಂ ಈಶಾ ವಾಸ್ಯ’ಮಿದಗ್‍ಮ್ ಸರ್ವಂ ಯತ್ಕಿಂಚ ಜಗ’ತ್ವಾಂ ಜಗ’ತ್ |

ತೇನ’ ತ್ಯಕ್ತೇನ’ ಭುಂಜೀಥಾ ಮಾ ಗೃ’ಧಃ ಕಸ್ಯ’ಸ್ವಿದ್ಧನಮ್” || 1 ||

ಕುರ್ವನ್ನೇವೇಹ ಕರ್ಮಾ”ಣಿ ಜಿಜೀವಿಷೇಚ್ಚತಗ್‍ಮ್ ಸಮಾ”ಃ |

ಏವಂ ತ್ವಯಿ ನಾನ್ಯಥೇತೋ”‌உಸ್ತಿ ನ ಕರ್ಮ’ ಲಿಪ್ಯತೇ’ ನರೇ” || 2 ||

ಅಸುರ್ಯಾ ನಾಮ ತೇ ಲೋಕಾ ಅಂಧೇನ ತಮಸಾ‌உ‌உವೃ’ತಾಃ |

ತಾಗ್ಂಸ್ತೇ ಪ್ರೇತ್ಯಾಭಿಗ’ಚ್ಛಂತಿ ಯೇ ಕೇ ಚಾ”ತ್ಮಹನೋ ಜನಾ”ಃ || 3 ||

ಅನೇ”ಜದೇಕಂ ಮನ’ಸೋ ಜವೀ”ಯೋ ನೈನ’ದ್ದೇವಾ ಆ”ಪ್ನುವನ್ಪೂರ್ವಮರ್ಷ’ತ್ |

ತದ್ಧಾವ’ತೋ‌உನ್ಯಾನತ್ಯೇ”ತಿ ತಿಷ್ಠತ್ತಸ್ಮಿನ್”ನಪೋ ಮಾ”ತರಿಶ್ವಾ” ದಧಾತಿ || 4 ||

ತದೇ”ಜತಿ ತನ್ನೇಜ’ತಿ ತದ್ದೂರೇ ತದ್ವಂ’ತಿಕೇ |

ತದಂತರ’ಸ್ಯ ಸರ್ವ’ಸ್ಯ ತದು ಸರ್ವ’ಸ್ಯಾಸ್ಯ ಬಾಹ್ಯತಃ || 5 ||

ಯಸ್ತು ಸರ್ವಾ”ಣಿ ಭೂತಾನ್ಯಾತ್ಮನ್ಯೇವಾನುಪಶ್ಯ’ತಿ |

ಸರ್ವಭೂತೇಷು’ ಚಾತ್ಮಾನಂ ತತೋ ನ ವಿಹು’ಗುಪ್ಸತೇ || 6 ||

ಯಸ್ಮಿನ್ಸರ್ವಾ”ಣಿ ಭೂತಾನ್ಯಾತ್ಮೈವಾಭೂ”ದ್ವಿಜಾನತಃ |

ತತ್ರ ಕೋ ಮೋಹಃ ಕಃ ಶೋಕಃ’ ಏಕತ್ವಮ’ನುಪಶ್ಯ’ತಃ || 7 ||

ಪರ್ಯ’ಗಾಚ್ಚುಕ್ರಮ’ಕಾಯಮ’ಪ್ರಣಮ’ಸ್ನಾವಿರಗ್‍ಮ್ ಶುದ್ಧಮಪಾ”ಪವಿದ್ಧಮ್ |

ಕವಿರ್ಮ’ನೀಷೀ ಪ’ರಿಭೂಃ ಸ್ವ’ಯಂಭೂ-ರ್ಯಾ”ಥಾತಥ್ಯತೋ‌உರ್ಥಾನ್

ವ್ಯ’ದಧಾಚ್ಛಾಶ್ವತೀಭ್ಯಃ ಸಮಾ”ಭ್ಯಃ || 8 ||

ಅಂಧಂ ತಮಃ ಪ್ರವಿ’ಶಂತಿ ಯೇ‌உವಿ’ದ್ಯಾಮುಪಾಸ’ತೇ |

ತತೋ ಭೂಯ’ ಇವ ತೇ ತಮೋ ಯ ಉ’ ವಿದ್ಯಾಯಾ”ಗ್‍ಮ್ ರತಾಃ || 9 ||

ಅನ್ಯದೇವಾಯುರಿದ್ಯಯಾ‌உನ್ಯದಾ”ಹುರವಿ’ದ್ಯಯಾ |

ಇತಿ’ ಶುಶುಮ ಧೀರಾ”ಣಾಂ ಯೇ ನಸ್ತದ್ವಿ’ಚಚಕ್ಷಿರೇ || 10 ||

ವಿದ್ಯಾಂ ಚಾವಿ’ದ್ಯಾಂ ಚ ಯಸ್ತದ್ವೇದೋಭಯ’ಗ್‍ಮ್ ಸಹ |

ಅವಿ’ದ್ಯಯಾ ಮೃತ್ಯುಂ ತೀರ್ತ್ವಾ ವಿದ್ಯಯಾ‌உಮೃತ’ಮಶ್ನುತೇ || 11 ||

ಅಂಧಂ ತಮಃ ಪ್ರವಿ’ಶಂತಿ ಯೇ‌உಸಮ್”ಭೂತಿಮುಪಾಸ’ತೇ |

ತತೋ ಭೂಯ’ ಇವ ತೇ ತಮೋ ಯ ಉ ಸಂಭೂ”ತ್ಯಾಗ್‍ಮ್ ರತಾಃ || 12 ||

ಅನ್ಯದೇವಾಹುಃ ಸಮ್”ಭವಾದನ್ಯದಾ”ಹುರಸಮ್”ಭವಾತ್ |

ಇತಿ’ ಶುಶ್ರುಮ ಧೀರಾ”ಣಾಂ ಯೇ ನಸ್ತದ್ವಿ’ಚಚಕ್ಷಿರೇ || 13 ||

ಸಂಭೂ”ತಿಂ ಚ ವಿಣಾಶಂ ಚ ಯಸ್ತದ್ವೇದೋಭಯ’ಗ್‍ಮ್ ಸಹ |

ವಿನಾಶೇನ’ ಮೃತ್ಯುಂ ತೀರ್ತ್ವಾ ಸಂಭೂ”ತ್ಯಾ‌உಮೃತ’ಮಶ್ನುತೇ || 14 ||

ಹಿರಣ್ಮಯೇ”ನ ಪಾತ್ರೇ”ಣ ಸತ್ಯಸ್ಯಾಪಿ’ಹಿತಂ ಮುಖಮ್” |

ತತ್ವಂ ಪೂ”ಷನ್ನಪಾವೃ’ಣು ಸತ್ಯಧ”ರ್ಮಾಯ ದೃಷ್ಟಯೇ” || 15 ||

ಪೂಷ’ನ್ನೇಕರ್ಷೇ ಯಮ ಸೂರ್ಯ ಪ್ರಾಜಾ”ಪತ್ಯ ವ್ಯೂ”ಹ ರಶ್ಮೀನ್

ಸಮೂ”ಹ ತೇಜೋ ಯತ್ತೇ” ರೂಪಂ ಕಲ್ಯಾ”ಣತಮಂ ತತ್ತೇ” ಪಶ್ಯಾಮಿ |

ಯೋ‌உಸಾವಸೌ ಪುರು’ಷಃ ಸೋ‌உಹಮ’ಸ್ಮಿ || 16 ||

ವಾಯುರನಿ’ಲಮಮೃತಮಥೇದಂ ಭಸ್ಮಾ”ಂತಗ್ಂ ಶರೀ’ರಮ್ |

ಓಂ 3 ಕ್ರತೋ ಸ್ಮರ’ ಕೃತಗ್‍ಮ್ ಸ್ಮ’ರ ಕ್ರತೋ ಸ್ಮರ’ ಕೃತಗ್‍ಮ್ ಸ್ಮ’ರ || 17 ||

ಅಗ್ನೇ ನಯ’ ಸುಪಥಾ” ರಾಯೇ ಅಸ್ಮಾನ್ ವಿಶ್ವಾ’ನಿ ದೇವ ವಯನಾ’ನಿ ವಿದ್ವಾನ್ |

ಯುಯೋಧ್ಯಸ್ಮಜ್ಜು’ಹುರಾಣಮೇನೋ ಭೂಯಿ’ಷ್ಟಾಂ ತೇ ನಮ’ಉಕ್ತಿಂ ವಿಧೇಮ || 18 ||

ಓಂ ಪೂರ್ಣಮದಃ ಪೂರ್ಣಮಿದಂ ಪೂರ್ಣಾತ್ಪೂರ್ಣಮುದಚ್ಯತೇ |

ಪೂರ್ಣಸ್ಯ ಪೂರ್ಣಮಾದಾಯ ಪೂರ್ಣಮೇವಾವಶಿಷ್ಯತೇ ||

ಓಂ ಶಾಂತಿಃ ಶಾಂತಿಃ ಶಾಂತಿಃ ||

Public Affairs #ಈಶಾವಾಸ್ಯೋಪನಿಷತ್

#upanishadknowledge #KnowledgeIsSpherical #ಪೂರ್ಣಮದಃ #ಪೂರ್ಣಮಿದಂ #ಈಶಾ #veda #ಉಪನಿಷತ್ತು

*ಈಶಾವಾಸ್ಯೋಪನಿಷತ್ ಪಾಠ ಪಂ.ಶ್ರೀ.ಕಪಿಲಾಚಾರ ಗಲಗಲಿ ಇವರಿಂದ.:- https://youtu.be/Zfq5yxQpsvc?si=wfZ3oafjRZCdFBo9