"Parang ang layo na ng narating ng isip mo," nakangiti pa nitong wika.
Napapahiyang nagbawi siya ng tingin. "May... may iniisip lang ako."
"About Amara and Jacko? Or something else?"
Nakagat niya ang ibabang-labi. "Something else," amin niya. Pero nunca naman na sasabihin niya na ito ang iniisip niya.
"I wish, I can read your mind," ani KG na mataman na pinagmamasdan siya.
Napatingin siya rito. "B-bakit?" Halos mapigil pa niya ang paghinga. Bakit naman nasabi iyon sa kaniya ni KG?
Ngumiti lang ito. "Secret."
Damn his smile. Lalo lang itong gumwapo sa paningin niya. Parusa. Paano ba siya makaka-move on kung ngiti pa lang nito ay nakakalimutan na niya ang salitang iyon?
"Gusto mo sigurong mabasa 'yong isip ko kung payag na akong makipag-mate si Amara kay Jacko. Hindi pa rin ako pumap
